კახეთში ავტომობილი და მიკროავტობუსი ერთმანეთს შეეჯახა - არის მსხვერპლი

საგარეჯოს მუნიციპალიტეტში ავარიას ერთი ადამიანი ემსხვერპლა. ცოტა ხნის წინ სოფელ ჩაილურის მიმდებარედ, „ოპელის“ მარკის მანქანა და მიკროავტობუსი ერთმანეთს შეეჯახა.

ადგილზე გარდაიცვალა ერთი ადამიანი, რამდენიმე კი დაშავდა. ისინი სხეულის მრავლობითი დაზიანებებით ადგილობრივ საავადმყოფოში გადაიყვანეს.

მომხდარზე მიმდინარეობს გამოძიება.