"გიჩოქებ და გთხოვ, არ მიმატოვო" - გოგი წულაია მეუღლეს დაბადების დღეს ულოცავს
პატიმრობაში მყოფი, ოპოზიციონერი პოლიტიკოსის, გოგი წულაიას სახელით სოციალურ ქსელში, მის პირად გვერდზე წერილი გავრცელდა, სადაც ის მეუღლეს დაბადების დღეს ულოცავს და პატიებას სთხოვს:
"ამ დღისთვის განსაკუთრებულად ვემზადებოდით მე და ბავშვები. შენ არ გიყვარს საჯაროდ ასეთი მილოცვა, მაგრამ ამ სიტუაციაში მეტი გზა არა მაქვს. ბოდიშს გიხდი, დაბადების დღეს გილოცავ! სიცოცხლის ბოლომდე არ დავიღლები, პატიება რომ გთხოვო. იმედია, მალე შევძლებ ყველაფერი აგიხსნა. საჯაროდაც ბევრჯერ მითქვამს და პირადადაც - მე შენს მეტი ძვირფასი ადამიანი არ მყავს. ვამაყობ შენით. ღმერთს მადლობას ვუხდი, ჩემი მეუღლე რომ გქვია...
ოცდასამი წელი ერთად ვცხოვრობთ და შენ იცი, ერთხელაც არ გამივლია გულში შენი წყენინება. ვთქვი ერთხელ საჯაროდაც, ინგა არის ჩემთვის და მეტი არავინ-მეთქი და ასე შევასრულებ სიცოცხლის ბოლომდე. მე ამას დავამტკიცებ ჩემი დიდი სიყვარულით შენს მიმართ.
გიჩოქებ და გთხოვ, არ მიმატოვო და მომისმინო. ღმერთს ვთხოვ, ჩემთან და შვილებთან ერთად უამრავი ბედნიერებითა და სიხარულით აღსავსე წლები მოგვცეს".
ცნობისთვის, გოგი წულაიას ბრალი სისხლის სამართლის კოდექსის 138-ე მუხლით აქვს წარდგენილი, რაც სექსუალური ხასიათის სხვაგვარ ძალადობას გულისხმობს. სამართალდამცავებმა წულაია 19 მარტს დააკავეს. თავდაპირველად, გამოძიება სისხლის სამართლის კოდექსის 126-ე მუხლით მიმდინარეობდა, რაც ძალადობას გულისხმობს. გამოძიების ინფორმაციით, წულაიამ ნაქირავებ ბინაში ნაცნობ ქალზე იძალადა.
"ახლა აქ რომ ვინმე მოვიდეს, შარვალი ჩაიხადოს და რაღაც ქნას, მშვიდად ჩაივლის? სიბილწის პროპაგანდა არავის უფლება არ არის" - მეუფეები "თბილისი პრაიდზე"
რამდენ ადამიანს ჩაუტარდა კორონავირუსის საწინააღმდეგო ვაქცინაცია საქართველოში და როგორია ევროპისა და აშშ-ის მონაცემები
