ავტორი:

"პუტინის პროექტი ვარ, ქვეითი, უზენაესის მონა და ხალხის მსახური" - რამზან კადიროვი

"პუტინის პროექტი ვარ, ქვეითი, უზენაესის მონა და ხალხის მსახური" - რამზან კადიროვი

ჩეჩნეთის მეთაურმა რამზან კადიროვმა კითხვაზე, არის თუ არა ვლადიმერ პუტინის პროექტი, განაცხადა, რომ ის პუტინის „ქვეითია“ და მისი „პროექტი“, ასევე „ხალხის მსახური“. ამის შესახებ მან „ინსტაგრამზე“ პირდაპირი ეთერისას განაცხადა.

„მე ჩეჩნეთის რესპუბლიკის მეთაური ვარ. ჩვენ გვაქვს საკუთარი გერბი და დროშა, მე ვარ რესპუბლიკის არჩეული მეთაური, ვარ პუტინის ქვეითი, შეიძლება ითქვას, პრეზიდენტის პროექტი ვარ. მას რომ ჩემი ხალხისთვის ყველაზე რთულ დროს მხარი არ დაეჭირა, შესაძლოა, დღეს ყველაფერი სხვაგვარად ყოფილიყო“, - განაცხადა კადიროვმა.

მანვე ხაზგასმით აღნიშნა, რომ ყველა მიღწევა, რაც დაკავშირებულია რესპუბლიკის აღდგენასთან და რეგიონში უსაფრთხოებასთან, ძირითადად, პუტინის დამსახურებაა.

„ამიტომ, ყოველთვის ვამბობ და ახლაც გავიმეორებ, შეგიძლიათ თქვათ, რომ მე პუტინის პროექტი ვარ, პუტის ქვეითი, უზენაესის მონა ვარ და ხალხის მსახური... მე რელიგია მომიწოდებს, ვემსახურო ასეთ პრეზიდენტს და თუკი შენ ნებას გაძლევენ მეჩეთები აშენო, შეისწავლო რელიგია, ვალდებული ხარ დაიცვა ეს სახელმწიფო და პრეზიდენტი. ამიტომ, არ მრცხვენია ვთქვა - მე ვარ ქვეითი, რუსეთის გმირი, გენერალი“ - განაცხადა კადიროვმა.

"ჰიტლერივით მზად არიან, თავიანთი შვილები ბელადს შესწირონ" - კადიროვის გარემოცვის მიერ გავრცელებული ვიდეოს რუსეთში მწვავე რეაქციები მოჰყვა

იტალიელმა პროფესორმა G20-ის მონაწილეებს "შოუ მოჰპარა“ - წელს ზემოთ შიშველი ნიკოლა ფრანჯიონეს ფოტოები, რომელსაც პოლიტიკოსებმა მყუდროება დაურღვიეს

ჯილდო გულშემატკივრობისთვის: რა საჩუქრები მიიღო ფანმა, რომლის ვიდეოც ინტერნეტჰიტი გახდა - "მან მთელი შვეიცარიის ემოცია გამოხატა"