ავტორი:

ისრაელის თავდაცვის ძალებმა "ჰამასის" უსაფრთხოების მთავარ შტაბზე დარტყმა განახორციელა

ისრაელის თავდაცვის ძალებმა "ჰამასის" უსაფრთხოების მთავარ შტაბზე დარტყმა განახორციელა

ისრაელის თავდაცვის ძალების პრესსამსახური იუწყება, რომ დარტყმა განხორციელდა ტერორისტული ორგანიზაცია „ჰამასის“ უსაფრთხოების სამსახურის მთავარ შტაბზე, რომელიც ღაზას სექტორის ჩრდილოეთით, რიმალის რაიონში მდებარეობს. ამის შესახებ ისრაელის მედია იუწყება.

ინფორმაციაში აღნიშნულია, რომ საუბარია „ჰამასის“ მთავარ ინფრასტრუქტურაზე, საიდანაც ის თავის სამხედრო დაზვერვას აწარმოებდა.

ცახალის პრესსამსახური იუწყება, რომ 17 მაისს დილის 7:00 საათიდან 19:00 საათამდე ღაზას სექტორიდან გაშვებულია 190-მდე რაკეტა. 25-მდე მათგანი სექტორის ტერიტორიაზე ჩამოვარდა. ჰაერსაწინააღმდეგო თავდაცვის სისტემა „რკინის გუმბათმა“ ათობით რაკეტა გაანადგურა, რომლებიც საცხოვრებელი რაიონებისკენ იყო მიმართული.

19:00 საათამდე რამდენიმე წუთით ადრე, განგაშის სიგნალი ჩაირთო აშკელონში, ნეტიბოთში და მიმდებარედ.

მედიის ცნობით, დაფიქსირებულია რაკეტების გაშვება ღაზას სექტორიდან. აქაც მუშაობს „რკინის გუმბათი“.

„ჰამასის“ სამხედრო ფრთის „იზადინ ალ-ყასიმის ბრიგადების“ წარმომადგენელმა აბუ უბაიდამ განაცხადა, რომ თუკი „ცახალი“ დაყოვნებლივ არ შეწყვეტს ღაზას სექტორში სახლების დაბომბვას, კვლავ განხორციელდება თელ-ავივის მისამართით მასობრივი სარაკეტო დარტყმა.

"ცახალი" - რას წარმოადგენს არმია, რომელიც მუდმივ საბრძოლო მზადყოფნაშია

რას წარმოადგენს ანტისარაკეტო სისტემა "რკინის გუმბათი“, რომელსაც ისრაელში "ცის ღმერთს" ეძახიან?

რატომ "მოიტაცა" სტალინმა რუზველტი