როგორ დასაჯა კადიროვმა 15 წლის მოზარდი არასასურველი კომენტარის დაწერისთვის - ბიჭის მამა შვილის "არასწორად აღზრდის" გამო პატიებას ითხოვს

ჩეჩნეთის ლიდერმა, რამზან კადიროვმა მისთვის არასასურველი კომენტარის დაწერის გამო 15 წლის მოზარდის ოჯახს ბოდიში მოახდევინა. ვიდეოს და შესაბამის ინფორმაციას ტელეკომპანია "გროზნო“ ავრცელებს.

საქმე ეხება სოციალურ ქსელში კადიროვის ერთ-ერთ პირდაპირ ჩართვას, რა დროსაც მას დაუწერეს შემდეგი კომენტარი: "შენ ადამიანი არ ხარ, შენ უბრალოდ შაითანი ხარ.“ აღნიშნულმა კომენტარმა კადიროვი გააბრაზა და კომენტარის ავტორს "განადგურებით“ დაემუქრა.

კომენტარის ავტორი 15 წლის მოზარდი აღმოჩნდა, რომლის ოჯახსაც ბოდიში საჯაროდ მოახდევინეს. ბიჭის მამამ პატიება ითხოვა იმისთვის, რომ შვილი "არასწორად აღზარდა“ და ამასთან, პირობა დადო, რომ შვილს "მიხედავს.“

ნახეთ ვიდეო: