ავტორი:

ინდოეთში კორონავირუსის ქალღმერთები გამოიგონეს და მათ ფიგურებზე ლოცულობენ - მომლოცველები ქალღმერთებს რძეში და კურკუმას წყალში "აბანავებენ"

ინდოეთში კორონავირუსის ქალღმერთები გამოიგონეს და მათ ფიგურებზე ლოცულობენ - მომლოცველები ქალღმერთებს რძეში და კურკუმას წყალში "აბანავებენ"

ინდოეთში, ინდუიზმის ერთ-ერთ ტაძარში, ყოველ დღე კორონავირუსის ორ ქალღმერთზე ლოცულობენ და პანდემიის შემსუბუქებას ევედრებიან. კორონას ქალღმერთები გამოიგონეს და მათ პატივსაცემად ფიგურები განათავსეს ტამილ ნადუს შტატში, ქალაქ კოიმბატორში, რომელიც ვირუსის აფეთქებამ ძალიან დააზარალა.

მომლოცველები ქალღმერთების ფიგურებთან ტოვებენ საკვებსა და სხვა შესაწირს, უგალობენ, გარდა ამისა კურკუმას წყალში და რძეში ბანენ.

"წარსულში ყვავილის დასამარცხებლად გვქონდა ტაძრები ახლა კი თაყვანს ვცემთ ვირუსს ქალღმერთის სახით და ყოველ დღე ვევედრებით მას, რომ შეამსუბუქოს დაავადება. ვხედავთ, რომ ექიმები სიტუაციას ვერ უმკლავდებიან, ამიტომ ერთადერთი გზა ისაა, რომ ვილოცოთ და შევევედროთ ღმერთს ამ მდგომარეობას თავი დავაღწიოთ“, - ამბობს მღვდელი.

მორწმუნეები აპირებენ, რომ მომდევნო შვიდი კვირის განმავლობაში ყოველ დღე ილოცონ ახალ ქალღმერთებზე და იმედოვნებენ, რომ მათ წყალობას მიიღებენ.

ცნობისთვის, ინდოეთი კორონავირუსით ინფიცირებულთა რაოდენობის მიხედვით, მსოფლიოს მეორე ქვეყანაა. ვირუსის გამოვლენის დღიდან ამ დრომდე ქვეყანაში კოვიდის 27,5 მილიონი შემთხვევაა აღწერილი, მათ შორის, 318 865 გარდაიცვალა.

ნახეთ ვიდეო:

"ობოლი ბავშვები მაღაროებსა და ფერმებში საკუთარი სურვილით მუშაობენ" - ჩრდილოეთ კორეის ახალი ამბების ცენტრალური სააგენტო (ფოტოები)

ყოფილი სკოლა-პანსიონის შენობაში 215 ბავშვის ნეშტი აღმოაჩინეს - რა ინფორმაცია ვრცელდება კანადაში მასობრივი სასაფლაოს შესახებ?

"ევროპის წამლის სააგენტომ" 12-15 წლის ასაკის მოზარდებში Pfizer-ის ვაქცინის გამოყენება დაამტკიცა