რა თქვა გიორგი გახარიამ პარტიის პრეზენტაციაზე - LIVE ღონისძიებიდან
ყოფილი პრემიერ-მინისტრის გიორგი გახარიას პოლიტიკური გაერთიანება „საქართველოსთვის“ პრეზენტაცია „ექსპო ჯორჯიას“ შენობაში მიმდინარეობს.
ახლად დაფუძნებული პარტიის წევრებმა გაერთიანების შეკრებაზე მიიღეს გადაწყვეტილება და გიორგი გახარია პარტიის თავმჯდომარედ ერთხმად აირჩიეს.
პარტიის შეკრებაზე ასევე დაამტკიცეს პარტიის წესდება. ამ წუთებში საზოგადოებას სიტყვით გიორგი გახარია მიმართავს.
როგორც გიორგი გახარიას გუნდის წევრი, ანა ბუჩუკური აღნიშნავს, პარტიის პრეზენტაციისას გიორგი გახარია პარტიის სამომავლო გეგმებზე ისაუბრებს. ამასთან, პარტია მონაწილეობას მიიღებს ყველა პოლიტიკურ პროცესში, მათ შორის, არჩევნებში.
პრეზენტაციის მიმდინარეობისას გიორგი გახარია საზოგადოებას გუნდის წევრებს წარუდგენს.
ცნობისთვის, ყოფილმა პრემიერ-მინისტრმა, გიორგი გახარიამ თანამდებობა 18 თებერვალს დატოვა. როგორც მან განმარტა, გაუმართლებლად მიაჩნდა „ნაციონალური მოძრაობის“ თავმჯდომარის, ნიკა მელიას დაპატიმრება იმ პირობებში, როდესაც არსებობდა პოლიტიკური ესკალაციის საფრთხე. გიორგი გახარიას თქმით, გადადგომის მიზეზი ასევე იყო ის, რომ აღნიშნულთან დაკავშირებით გუნდთან შეთანხმებას ვერ მიაღწია.
LIVE - ეთერშია გადაცემა Newsroom-ი
"ხელისუფლებაში ყოფნისას რა გააკეთა, რომ მის მიერ ჩამოთვლილი პრობლემები თუნდაც, ნაწილობრივ მოეგვარებინა" - სერგეენკო გახარიაზე
