"მივესალმები "ნაცმოძრაობის" შესვლას პარლამენტში - გარეთ აქციების ტარებას, სჯობს, შიგნით იყვნენ და შიგნით იკამათონ" - ვახტანგ გომელაური

"უფრო ჯანმრთელი მიდგომაა პოლიტიკისთვის, ვიდრე გარედან მიტინგების და არეულობების მოწყობა", - ასე ეხმაურება საქართველოს შინაგან საქმეთა მინისტრი ვახტანგ გომელაური "ნაციონალური მოძრაობის“ გადაწყვეტილებას საკანონმდებლო ორგანოში შესვლასთან დაკავშირებით.

როგორც გომელაურმა ჟურნალისტებს განუცხადა, ის ამ გადაწყვეტილებას მიესალმება.

"მივესალმები "ნაციონალური მოძრაობის“ შესვლას [პარლამენტში]. ეს ძალიან კარგია. გარეთ ყოფნას და გარეთ აქციების ტარებას სჯობს შიგნით იყვნენ და შიგნით იკამათონ, იმსჯელონ. ეს უფრო კარგი იქნება, უფრო ჯანმრთელი მიდგომაა პოლიტიკისთვის, ვიდრე გარედან მიტინგების და არეულობების მოწყობები“, - განაცხადა გომელაურმა.