ზოგან წვიმა ელჭექით, ზოგან სეტყვაც - სად როგორი ამინდია მოსალოდნელი 3 ივნისამდე?

საქართველოში 3 ივნისამდე წვიმაა მოსალოდნელი. გარემოს ეროვნული სააგენტოს ინფორმაციით, 1-ლ ივნისს დღის ბოლოდან 3 ივნისის დილამდე საქართველოში მოსალოდნელია დროგამოშვებით წვიმა ელ-ჭექით, ხოლო აღმოსავლეთ საქართველოში და დასავლეთ საქართველოს მთიან რეგიონებში ზოგან ძლიერი, შესაძლებელია სეტყვა და ქარის გაძლიერება.

„მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს”, - ნათქვამია ინფორმაციაში.