ავტორი:

ალფა, ბეტა, დელტა - ჯანმო კორონავირუსის სხვადასხვა ვარიანტს სახელს ბერძნული ანბანის მიხედვით არქმევს

ალფა, ბეტა, დელტა - ჯანმო კორონავირუსის სხვადასხვა ვარიანტს სახელს ბერძნული ანბანის მიხედვით არქმევს

ჯანდაცვის მსოფლიო ორგანიზაციაში აცხადებენ, რომ კორონავირუსის სხვადასხვა ვარიანტების დასახელების სისტემას ცვლიან. დღეიდან ჯანმო გამოიყენებს ბერძნულ ანბანს ვირუსის სხვადასხვა შტამების დასახელებისთვის.

როგორც BBC წერს, "ბრიტანულ შტამს“ დაარქვეს ალფა, "სამხრეთ აფრიკულს" - ბეტა, ხოლო "ინდურ ვარიანტს" - დელტა. ჯანდაცვის მსოფლიო ორგანიზაციაში განმარტავენ რომ ამ გადაწყვეტილების მიღების მიზეზი იყო ერთგვარი სტიგმის გაჩენა ქვეყნებთან მიმართებაში და ამ თემის ირგვლივ მუდმივი დისკუსია.

მაგალითად, მაისის დასაწყისში ინდოეთის მთავრობამ ჯანდაცვის მსოფლიო ორგანიზაცია გააკრიტიკა იმის გამო, რომ გასული წლის ოქტომბერში ინდოეთში გამოვლენილ კორონავირუსის შტამს "ინდურ შტამად“ მოიხსენიებდნენ, თუმცა ისიც აღსანიშნავია რომ ჯანმოს ოფიციალურად ასეთი დასახელება არ დაურეგისტრირებია და ვარიანტი ოფიციალურ პუბლიკაციებში მოხსენიებული იყო, როგორც B.1.617.2 შტამი.

"არ შეილება არც ერთი ქვეყნის სტიგმატიზება იქ აღმოჩენილი კორონავირუსის ახალი ვარიანტის გამო“, - ამბობს ჯანდაცვის მსოფლიო ორგანიზაციის წარმომადგენელი მარია კერჰოვი. მისივე განმარტებით, თუკი 24 შტამზე მეტი გაჩნდება, ამ შემთხვევაში ჯანდაცვის მსოფლიო ორგანიზაცია შტამების დასახელების სხვა ვარიანტს შემოგვთავაზებს.

"ვამბობ, რომ არ ვარ მოხუცი" - 106 წლის მოცეკვავე, რომელსაც წლების მატება ვერაფერს აკლებს და აქტიური კარიერა აქვს

ჩინეთში ფრინველის გრიპის H10N3 შტამით ადამიანის დაინფიცირების პირველი შემთხვევა გამოვლინდა

ჰაერის ტემპერატურა დადგენილ ზღვარს მალე გადააჭარბებს - მსოფლიო კლიმატის ცვლილების მძიმე შედეგების წინაშე და პროგნოზი გლობალურ დათბობაზე