"რომ არა ლევან რატიანი, არ ვიცი, ეს ყველაფერი როგორ დასრულდებოდა" - ნოდიკო ტატიშვილი

მომღერალი ნოდიკო ტატიშვილი "ფეისბუქის" პირად გვერდზე მადლობას უხდის რეანიმატოლოგ ლევან რატიანს, იმისთვის, რომ მისი კოვიდინფიცირებული მშობლები გადაარჩინა:

"არც ვიცი, ისეთი მადლობა როგორ გადავუხადო ამ სასწაულ პიროვნებას და ექიმს, როგორსაც იმსახურებს. დედა და მამა, ამ გენიოსმა კაცმა გადამირჩინა და ხელიდან გამოგლიჯა ვერაგ კოვიდს! რომ არა ლევან რატიანი, არ ვიცი, ეს ყველაფერი როგორ დასრულდებოდა. ძეგლი და უდიდესი გაფრთხილება ეკუთვნის ასეთი უმაღლესი დონის პროფესიონალს, თავისი სუპერ გუნდით, რომლებიც არაფერს იშურებენ პაციენტებისთვის.

ლევან, მიყვარხარ!

მადლობა ჩემი მშობლების გადარჩენისთვის და მადლობა ყველაფრისთვის...

P.S. მაია და კოკო სახლში დღეს გამოეწერნენ".