"ღარიბია სამყარო რეზო გაბრიაძის გარეშე" - რას წერს კახა კალაძე გარდაცვლილი რეჟისორის შესახებ

რეჟისორ რეზო გაბრიაძის გარდაცვალების გამო დედაქალაქის მერი, კახა კალაძე მწუხარებას გამოთქვამს. ის სოციალურ ქსელში პოსტს აქვეყნებს.

"მხატვარი, მწერალი, მოქანდაკე, რეჟისორი, 35-ზე მეტი ფილმის სცენარის ავტორი, მარიონეტების თეატრის დამაარსებელი - დიდი რეზო გაბრიაძე მარადისობას შეუერთდა.

"ჩემი ბოლო თხოვნა კი იქნება, ნუ დაგვიშლით სისულელეების კეთებას,“ - ამ სიტყვების ავტორმა ქართულ კულტურას, თავისი მრავალფეროვანი შემოქმედების სახით, უდიდესი განძი დაუტოვა.

ღარიბია სამყარო რეზო გაბრიაძის გარეშე. ძნელია სიტყვებით გადმოსცე ის დიდი ტკივილი და დანაკლისი, რაც მისმა გარდაცვალებამ მოგვიტანა.ვიზიარებ სრულიად საქართველოს მწუხარებას", - წერს კალაძე.