ავტორი:

"ადამიანებს ასეთ დაწესებულებებში კი არა, პარლამენტში არ ჰყოფნით ნერვები, რა გასაკვირია, უფროსმა სიტყვით თუ ვერ გააგებინა პატარას, ძალა გამოიყენოს" - მეუფე იაკობი ბავშვთა პანსიონზე

"ადამიანებს ასეთ დაწესებულებებში კი არა, პარლამენტში არ ჰყოფნით ნერვები, რა გასაკვირია, უფროსმა სიტყვით თუ ვერ გააგებინა პატარას, ძალა გამოიყენოს" - მეუფე იაკობი ბავშვთა პანსიონზე

ადამიანებს ასეთ დაწესებულებებში კი არა, გარეთ და პარლამენტში არ ჰყოფნით ნერვები - ერთმანეთს სცემენ. რა გასაკვირია, იქ, უფროსმა, ღონიერმა სიტყვით თუ ვერ გააგებინა პატარას, ძალა გამოიყენოს. მე თუნდაც წამორტყმას არ მივესალმები, მაგრამ, როდესაც საუბრობენ გაუპატიურებაზე, ფაქტი ხომ უნდა იყოს. თუ იყო ფაქტი, უმკაცრესად დაისჯებიან,- ამის შესახებ ბოდბელმა მთავარეპისკოპოსმა, მეუფე იაკობმა ჟურნალისტებს ნინოწმინდის პანსიონთან დაკავშირებით საუბრისას განუცხადა.

როგორც მეუფე იაკობმა აღნიშნა, თუ პანსიონში რაიმე დარღვევა იყო, სერიოზულად უნდა გამოიკვლიონ.

„ვფიქრობ, მანდ ერთი რამ მოხდა. მეუფე სპირიდონს და ნინო ლომჯარიას არ ჰქონდათ ისეთი პიროვნული ურთიერთობა და როდესაც სახალხო დამცველი არ შეუშვეს, შემდეგ სხვები ჩაერთნენ. პიროვნულმა ურთიერთობამ გამოიწვია ის, რომ ეს საკითხი გახდა ყველას სალაპარაკო. რასაც ვუყურებ ბობხასაზე და დრაკულაზე არ იქნება იმდენი დაწერილი, რაც მანდაურობაზე დაიწერა. თუ რამე დარღვევა იყო, სერიოზულად უნდა გამოიკვლიონ. დამნაშავე, რა თქმა უნდა, დაისჯება. ერთი არის, რომ დარღვევაა, მაგრამ ბევრი გრანტებზე მონადირე ადამიანი ვნახე. პირდაპირი ადამიანი ვარ და გეტყვით, რომ გრანტებზე მონადირეები ვნახე. ოჯახებში ხდება ხოლმე, 10 და 15 შვილი რომ გყავს, ხმამაღლა დაუძახებ. სამწუხაროდ, აღზრდის მეთოდი შეიძლება იყოს ეს. ადამიანი ვირი არ არის, ცემა არ არის აუცილებელი. სიტყვით შეიძლება - „გველსა ხვრელით ამოიყვანს, ენა ტკბილად მოუბარი“. მაგრამ სისულელეს რომ ლაპარაკობენ, რომ მაცივარში გვამებია...“,- განაცხადა მეუფე იაკობმა.

სან დიეგოს სახელმწიფო უნივერსიტეტის პრეზიდენტ ადელა დე ლა ტორესა და აკადემიური დელეგაციის ვიზიტი KIU-ში

37 842 კვლევა და კორონავირუსის  695 ახალი შემთხვევა - როგორია გასული 24 საათის ეპიდვითარება და სტატისტიკური მონაცემები საქართველოში

კვარიათში, ზღვაში მაშველებმა ახალგაზრდა მამაკაცის ცხედარი იპოვეს