რატომ გაეთიშა საქართველოს მოსახლეობის უდიდეს ნაწილს ელექტრომომარაგება - რა განაცხადეს "საქართველოს სახელმწიფო ელექტროსისტემაში?"

მთელი ქვეყნის და დედაქალაქის მნიშვნელოვან ნაწილს ელექტროენერგია ისევ არ მიეწოდება, ვცადეთ "თელასში" გაგვერკვია, რა გახდა ამის მიზეზი? სადაც გვითხრეს, რომ ამ კითხვით "საქართველოს სახელმწიფო ელექსტროსისტემისთვის" მიგვემართა, სადაც შემდეგი განგვიცხადეს:

"დღეს, 14 ივნისს, 14:00 საათზე, ავარიულად გამოირთო 500 კვ-იანი ელექტროგადამცემი ხაზი "იმერეთი” და ჰიდროელექტროსადგური "ენგურჰესი”, რის გამოც ელექტროენერგიის მიწოდება შეეზღუდა საქართველოს მოსახლეობის უმეტეს ნაწილს. ამ ეტაპზე მიმდინარეობს ავარიის ლიკვიდაციის სამუშაოები. "საქართველოს სახელმწიფო ელექტროსისტემა” ბოდიშს უხდის მომხმარებელს აღნიშნული შეფერხების გამო".