Airbnb-მ 7 მილიონი გადაუხადა ტურისტს, რომელიც ნიუ იორკში კომპანიის მიერ გაქირავებულ ბინაში გააუპატიურეს
Airbnb-მ 7 მილიონი დოლარი გადაუხადა ტურისტს, რომელიც ნიუ იორკში, მანჰეტენზე, კომპანიის მიერ გაქირავებულ ბინაში გააუპატიურეს. როგორც independent-ი წერს, ტურისტი გააუპატიურა მამაკაცმა, რომელსაც აპარტამენტის გასაღების ასლი ჰქონდა.
ქალი, რომლის ვინაობაც უცნობია, ამბობს, რომ ის 2016 წელს გააუპატიურეს.
ეჭვმიტანილი, 24 წლის ჯუნიორ ლი, აბაზანაში იყო დამალული. ის ტურისტს დანის გამოყენებით ემუქრებოდა, რის შემდეგაც გააუპატიურა.პოლიციამ ლი იმავე ღამით დააკავა, მას ჰქონდა გასაღებები, დანა და ქალის საყურე.
ლი აღიარებს დანაშაულს და ის პატიმრობაშია. რაც შეეხება კომპანია Airbnb-ის, დაზარალებულს მაშინვე გაუგზავნეს უსაფრთხოების აგენტები, რათა ეზრუნათ მასზე, ჯერ სასტუმროში გადაიყვანეს, ხოლო შემდეგ ავსტრალიაში დედასთან, რათა ემოციური მხარდაჭერა მიეღო.
კომპანიამ ასევე მსხვერპლს შესთავაზა ჯანმრთელობასთან დაკავშირებული ყველა კონსულტაციისთვის ანაზღაურება.
ახლახანს კი კომპანიამ და დაზარალებულმა მიაღწიეს შეთანხმებას, რომლის მიხედვითაც Airbnb-იმ დაზარალებულს 7 მილიონი დოლარი გადაუხადა. სანაცვლოდ კი ის არ უჩივლებს და არაფერში დაადანაშაულებს არც კომპანიას და არც ბინის მეპატრონეს.
წყარო:independent.co.uk
სკანდალური კოცნა და დისტანციის ზომების დარღვევა, რომლის გამოც, ბრიტანეთის ჯანდაცვის მდივანი თანამდებობიდან გადადგა - რა კადრები გამოუქვეყნეს მეთ ჰენკოკს
"ღარიბ ქვეყნებში ვაქცინები არ აქვთ, მსოფლიო მარცხდება, როგორც გლობალური საზოგადოება... უბრალოდ, მოგვეცით ვაქცინები" - ტედროს ადანომ გებრეისუსი
