მარადიული სიცოცხლე, ასგარდიის კოსმოსური სამეფო და უცხოპლანეტელების ძიება -  რაში ხარჯავენ მილიარდერები ფულს?

მარადიული სიცოცხლე და მარსის კოლონიზაცია ცოტა ხნით ადრე ნამდვილად სამეცნიერო ფანტასტიკის სფეროდ აღიქმებოდა, თუმცა დღეს ეს სფეროები მსოფლიოს უმდიდრესი ადამიანებისთვის მილიარდების დაბანდების საკითხია.

ამავდროულად დედამიწა დაბინძურებას ებრძვის. რას აკეთებენ მილიარდერები გლობალური ცვლილებებისთვის?

პიტერ ტიელის ლაბორატორიები

მილიარდერი PayPal- ის დამფუძნებელი პიტერ ტიელი მიზნად ისახავს უკვდავების მიღწევას. თავისი არაკომერციული ტექნიკური ფონდის Breakout Labs- ის საშუალებით, რომელიც Thiel- ის უფრო დიდი ფონდის ნაწილია, 2012 წლიდან მოყოლებული მაგნატმა სიცოცხლის გახანგრძლივების სხვადასხვა პროექტი დააფინანსა.

Breakout Labs- ის დაფინანსებული მრავალი პროექტი მკურნალობს ალცჰაიმერს და სხვა დეგენერაციულ დაავადებებს. ლაბორატორია მუშაობს EpiBone- ზე, რომელიც იძლევა შესაძლებლობას ადამიანის უჯრედების რეგენერაცია გაუსაზღვრელი დროით მოხდეს.

დიმიტრი იტკოვის ინიციატივა 2045 წ

რუსი მედია-მაგნატი დიმიტრი იცკოვი ასევე მტკიცედ მუშაობს მარადიული ცხოვრების იდეაზე. 2011 წელს დაარსებული “2045 წლის“ მისი მრავალსაფეხურიანი ინიციატივა მიზნად ისახავს უკვდავების განვითარებას ათწლეულების განმავლობაში. პროექტი ადამიანის მანქანებთან შერწყმას და ავატარის შექმნით "კიბერნეტიკულ უკვდავებას“ მოიაზრებს. ამ იდეას ბევრი მეცნიერი ეჭვის თვალით უყურებს.

მარკ ცუკერბერგის და მისი მეუღლის ინიციატივა

მარკ ცუკერბერგი და მეუღლე პრისცილა ჩანი ფეისბუქიდან მსოფლიოს განკურნების მისიას ასრულებენ. წყვილმა პირობა დადო, რომ Facebook– ის მოგების 99% –ს ”ჩან ცუკერბერგის ინიციატივის” საშუალებით “ყველასთვის ინკლუზიურ, სამართლიან და ჯანმრთელ მომავალს ააშენებს”, რომელიც ოთხ ძირითად მიმართულებას მოიცავს: განათლება, სამართლიანობა, შესაძლებლობები და მეცნიერება. ინიციატივა მუშაობს გრანტების გაცემით და ბიზნესში ინვესტიციების ჩადებით.

ჯეფ ბეზოსის Blue Origin

„ამაზონის“ დამფუძნებლის ჯეფ ბეზოსს გასაოცარი პროექტები აქვს, მაგრამ მისი მთავარი მიზანი არის Blue Origin. მსოფლიოს უმდიდრესი ადამიანი Amazon– ის აღმასრულებელი დირექტორის თანამდებობიდან გადადგა, რათა ყურადღება კერძო კოსმოსურ კომპანიას დაუთმოს, რომელიც 2000 წელს დააარსა. ის კოსმოსში გაფრენას ძმასთან ერთად გეგმავს. მათთან ერთად მოგზაურობა ოთხ ადამიანს შეუძლია. ერთ-ერთი “ვაკატური“ ადგილი ბეზოსმა აუქციონზე გაიტანა. ვაჭრობა 4.8 მილიონი დოლარიდან დაიწყო და 10 წუთში 28 მილიონ დოლარს მიაღწია. გამარჯვებული ჯერჯერობით არ არის გამოვლენილი...წაიკითხეთ სრულად