"სურათის გადასაღებად ქვაზე ავიდა... სავარაუდოდ, ფეხი დაუცურდა და გადავარდა" - შაორის ტბაში მოზარდს ეძებენ

შაორის ტბაში მოზარდს ეძებენ. 14 წლის ბიჭი ტბაში რამდენიმე საათის წინ გადავარდა. ამბროლაურის მერის, ზვიად მხეიძის ინფორმაციით, ბიჭი სურათის გადასაღებად ქვაზე ავიდა, სავარაუდოდ, ფეხი დაუცურდა და გადავარდა. მას ამ დრომდე ეძებენ.

არსებული ინფორმაციით, რაჭაში ექსკურსიაზე საჩხერის მუნიციპალიტეტის ერთ-ერთი სკოლის მოსწავლეები იყვნენ. მათ მშობლები და მასწავლებლები ახლდნენ.