რუსულმა სამხედრო გემმა ბრიტანეთის სამეფოს სამხედრო-საზღვაო ფლოტის გამანადგურებელს გამაფრთხილებელი ცეცხლი გაუხსნა

რუსულმა სამხედრო გემმა ბრიტანეთის სამეფო სამხედრო-საზღვაო ფლოტის გამანადგურებელს, HMS Defender-ს გამაფრთხილებელი ცეცხლი გაუხსნა, რუსულმა ბომბდამშენემბა კი გამაფრთხილებელი ბომბები ჩამოყარეს მას შემდეგ, რაც ის შავ ზღვაში, ყირიმთან ახლოს რუსეთის ტერიტორიულ წყლებში შევიდა, - ამის შესახებ ინფორმაციას Interfax-ი რუსეთის თავდაცვის სამინისტროზე დაყრდნობით ავრცელებს.

გავრცელებული ინფორმაციით, ამის შემდეგ HMS Defender-მა რუსეთის ტერიტორიული წყლები სასწრაფოდ დატოვა.

რუსეთის თავდაცვის სამინისტროს თქმით, ინციდენტი ფიოლოენტის კონცხთან, ყირიმის სამხრეთით მოხდა.

"გამანადგურებელი გავაფრთხილეთ, რომ რუსეთის ფედერაციის საზღვრის გადაკვეთის შემთხვევაში იარაღს გამოვიყენებდით. მან რეაგირება არ მოახდინა გაფრთხილებაზე”, - ნათქვამია სამინისტროს ინფორმაციაში.

ამასთან, მათივე ინფორმაციით, გაფრთხილების მიზნით რუსულმა ბომბდამშენმა ოთხი ბომბი ჩამოაგდეს.

შეგახსენებთ, რუსეთმა ყირიმის ანექსია 2014 წელს განახორციელა.

ამავე თემაზე: გაერთიანებული სამეფო უარყოფს ინფორმაციას ბრიტანული სამხედრო ხომალდისთვის გამაფრთხილებელი ცეცხლის გახსნის შესახებ