"საზარელი და შოკისმომგვრელი“ აღმოჩენა კანადაში - ყოფილი სკოლა-პანსიონის ტერიტორიაზე 750-ზე მეტი უსახელო საფლავი იპოვეს
კანადის ადგილობრივი ორგანიზაციის განცხადებით, სასკაჩევანში ასობით უსახელო საფლავი იპოვეს ყოფილი სკოლა-პანსიონის ტერიტორიაზე. Washingtonpost-ის და BBC-ის ცნობით, საფლავების რაოდენობა 750-ს აჭარბებს.
ადგილობრივი ორგანიზაცია The Cowessess First Nation აღმოჩენას "საზარელს და შოკისმომგვრელს“ უწოდებს.
მედიის ცნობით, სკოლა-პანსიონს კათოლიკური ეკლესია მართავდა. ჯერჯერობით უცნობია, სასაფლაოზე მხოლოდ ბავშვები არიან დაკრძალულნი, თუ უფროსებიც.
შეგახსენებთ, რამდენიმე კვირის წინ კანადაში, ყოფილი სკოლა-პანსიონის შენობაში, მასობრივი სასაფლაო აღმოაჩინეს, სადაც 215 ბავშვის ნეშტი იყო დამარხული. კანადაში, მე-19-20 საუკუნეებში სავალდებულო სკოლა-პანსიონებს მთავრობა და რელიგიური ლიდერები მართავდნენ და ამ სკოლების მიზანი ადგილობრივი მოსახლეობის იძულებითი ასიმილაცია იყო.
მარშრუტი ოდესიდან ბათუმში: "რუსული დათვის" გაბრაზების მცდელობა, თუ... - ბრიტანულ სამხედრო გემთან დაკავშირებული რა საიდუმლო დოკუმენტაცია იპოვეს ავტობუსის გაჩერებაზე?
აზერბაიჯანის თავდაცვის უწყება: სომხეთმა აზერბაიჯანის არმიის პოზიციებს ცეცხლი გაუხსნა
