"საერთოდ გახვედით კონტროლიდან..." - პრემიერი ლევან ხაბეიშვილს პასუხობს
ბატონო ლევან, თქვენ საერთოდ გახვედით კონტროლიდან, - ასე უპასუხა პრემიერ-მინისტრმა ირაკლი ღარიბაშვილმა „ნაციონალური მოძრაობის“ წევრის, ლევან ხაბეიშვილის შეკითხვას პლენარულ სხდომაზე.
როგორც ღარიბაშვილმა აღნიშნა, იაფფასიანი, მდარე ხარისხის კითხვები საზოგადოებას არ აინტერესებს.
„2013-14-ში კარგი ბიჭი იყო და ახლა რა მოუვიდა არ ვიცი. თქვენ მიხვდებით, სადაც გნახეთ. მაშინ კარგი ბიჭი იყავით, რა გიპასუხოთ არ ვიცი, გარდა იმისა, რომ თქვენ საერთოდ გახვედით კონტროლიდან. ეს იაფფასიანი მდარე ხარისხის კითხვები არ არის საინტერესო საზოგადოებისთვის. რა არის ტყუილი? ჩემი ნათქვამი ტყუილია, რომ გახვედით კონტროლიდან?!“- აღნიშნა ღარიბაშვილმა.
შეგახსენებთ, რომ ხაბეიშვილმა სხდომაზე პლაკატებზე ამობეჭდილი კონკრეტული ციფრები წარადგინა, რომელიც მისი ინფორმაციით, მთავრობის მიერ საბიუჯეტო სახსრების არამიზნობრივ ხარჯვას ასახავს. დეპუტატმა პრემიერი ნეპოტიზმშიც დაადანაშაულა.