ავტორი:

რომელი წიგნების შეძენას შეძლებთ წიგნის ფესტივალზე 50-ლარიანი ბიუჯეტით

რომელი წიგნების შეძენას შეძლებთ წიგნის ფესტივალზე 50-ლარიანი ბიუჯეტით

ერთ-ერთი ყველაზე მნიშვნელოვანი კულტურული ღონისძიება − თბილისის წიგნის საერთაშორისო ფესტივალი − 24 ივნისს დაიწყო და 27 ივნისის ჩათვლით გაგრძელდება. ამ დღეების განმავლობაში "ექსპო ჯორჯიას“ მე-11 პავილიონში წიგნის გამომცემლები, მწერლები, მთარგმნელები და, რაც მთავარია, მკითხველები იყრიან თავს. ფესტივალზე მისულ სტუმრებს დიდი ფასდაკლება, ბევრი სიახლე და სიურპრიზი ხვდებათ.

თუკი ჯერ კიდევ არ შეგირჩევიათ წიგნები, გირჩევთ, კატალოგებს გადახედოთ. გამომცემლობა "პალიტრა L“-ის სტენდთან წელს 70%-მდე ფასდაკლება დაგხვდებათ, ასე რომ, თბილისის წიგნის საერთაშორისო ფესტივალის დღეები ნამდვილად საუკეთესო დროა თქვენი ბიბლიოთეკის ახალი წიგნებით გასამდიდრებლად.

თუკი კატალოგს გადახედეთ, მაგრამ სია ჯერ კიდევ არ შეგიდგენიათ, 5 საინტერესო წიგნს შემოგთავაზებთ, რომელთა შეძენასაც დიდი ფასდაკლებით და 50-ლარიანი ბიუჯეტით შეძლებთ. ესენია:

  • TOP თრილერი − "მოკალი ევა“, ავტორი: ლუკ ჯენინგსი;
  • ჯერომ სელინჯერი, "თამაში ჭვავის ყანაში“;
  • სერია: ომებსა და ადამიანებზე − "გეიშას მემუარები“, ავტორი: ართურ გოლდენი;
  • ელიფ შაფაქი, "როგორ არ შევიშალოთ ამ დაქსაქსულ მსოფლიოში“;
  • "ჭერი ასწიეთ, დურგლებო და სიმორი, შესავალი“, ავტორი: ჯერომ სელინჯერი.

თბილისის წიგნის საერთაშორისო ფესტივალზე არა მხოლოდ სასურველი წიგნების დიდი ფასდაკლებით შეძენას შეძლებთ, არამედ საშუალება გექნებათ ქართველ ავტორებს შეხვდეთ და ახალი წიგნების პრეზენტაციებს დაესწროთ, სადაც გათამაშებები და არაერთი სიურპრიზი გელოდებათ. გაგაცნობთ ღონისძიებების განრიგს:

შაბათი, 26 ივნისი

  1. 12:30 -13:00 საბავშო წიგნის, "ლუნა და ციცინათებელის პლანეტა“ წარდგენა.
  2. 19:30 – 20:00 მიშელ ობამას ავტობიოგრაფიული წიგნის, "როგორ გავხდი ის ვინც ვარ“ წარდგენა.

კვირა - 27 ივნისი

  • 12:30 – 13:00 გურამ პეტრიაშვილის წიგნის, "შევიფაროთ ვარსკვლავი“ წარდგენა.
  • 15:30 - 16:00 ჯორჯ რ. რ. მარტინის რომანის "ცეცხლი და სისხლი“ წარდგენა.

თბილისის წიგნის 23-ე საერთაშორისო ფესტივალის დასრულებამდე 2 დღეღა დარჩა, ასე რომ, იჩქარეთ და არ გამოტოვოთ ქვეყნის ერთ-ერთი ყველაზე მნიშვნელოვანი კულტურული მოვლენა.

გაითვალისწინეთ, რომ პავილიონში შესასვლელად უნდა გაიაროთ წინასწარი რეგისტრაცია თქვენთვის სასურველი დღისა და საათის დასაჯავშნად საიტზე: www.tbilisibookfestival.ge, დასწრება თავისუფალია.

კამპანიის - "გადაიხადე რამდენიც გინდა“ გამარჯვებულები პროექტმა "ლურჯმა ოკეანემ“ წიგნებით დააჯილდოვა

წიგნის ფესტივალთან დაკავშირებით "გუდას“ ყველა აუდიოწიგნზე 30%-იანი ფასდაკლება გავრცელდება

თბილისის წიგნის საერთაშორისო ფესტივალი ოფიციალურად გაიხსნა