მორიგი სკანდალური აღმოჩენა კანადაში - ყოფილი სკოლა-პანსიონის ტერიტორიაზე 200-მდე ადამიანის ნეშტი იპოვეს

კანადის დასავლეთ ნაწილში ყოფილი სკოლა-პანსიონის ტერიტორიაზე 182 ადამიანის ნეშტი აღმოაჩინეს.

მედიის ინფორმაციით, ცხედრებს ბრიტანეთის კოლუმბიაში, ქალაქ კრენბრუკთან ახლოს სკოლა-პანსიონ St Eugene's Mission-ის ტერიტორიაზე რადარების საშუალებით მიაგნეს.

შეგახსენებთ, რამდენიმე დღის წინ კანადაში, სასკაჩევანში ადგილობრივი მკვიდრი ბავშვების ყოფილი სკოლა-პანსიონის ტერიტორიაზე, 750-მდე მეტი უსახელო საფლავი იპოვეს. რამდენიმე კვირის წინ კი კიდევ ერთი ყოფილი სკოლა-პანსიონის შენობაში მასობრივი სასაფლაო აღმოაჩინეს, სადაც 215 ბავშვის ნეშტი იყო დამარხული. კანადაში, მე-19-მე-20 საუკუნეებში სავალდებულო სკოლა-პანსიონებს მთავრობა და რელიგიური ლიდერები მართავდნენ და ამ სკოლების მიზანი ადგილობრივი მოსახლეობის იძულებითი ასიმილაცია იყო.