"თბილისი პრაიდის" კვირეულის პირველი ღონისძიება დასრულდა - სტუმრებმა ტერიტორია პოლიციის კორდონის საშუალებით დატოვეს

"თბილისი პრაიდის" კვირეულის ფარგლებში პირველი ღონისძიება დასრულდა. ღონისძიების დამსწრეების უსაფრთხოებას სამართალდამცავები იცავდნენ, მათ სპეციალური დერეფანი ჰქონდათ გაკეთებული, რათა სტუმრებს ტერიტორია უსაფრთხოდ დაეტოვებინათ.

ტერიტორია დატოვეს დიპლომატიური კორპუსის წარმომადგენლებმა.

ადგილზე იმყოფება საპატრულო პოლიციის უფროსი ვაჟა სირაძე. აქციის მონაწილეები ბოთლებსა და კვერცხებს ისვრიან. სამართალდამცავებმა ტერიტორიიდან რამდენი პირი გაიყვანეს. დაკავებულების ზუსტი რაოდენობის შესახებ ჯერ კომენტარი არ გაკეთებულა.