როგორია "პალიტრანიუსის", "ტვ პირველისა" და "პირველი არხის" ოპერატორების მდგომარეობა, რომლებსაც გუშინდელი მოვლენებისას ფიზიკურად გაუსწორდნენ
“პალიტრანიუსის” ოპერატორი რომა ტარუღიშვილი, “ტვ პირველის” ოპერატორი ლექსო ლაშქარავა და “პირველი არხის” ოპერატორი ილია თვალიაშვილი, რომლებსაც გუშინ განვითარებული მოვლენებისას ფიზიკურად გაუსწორდნენ, კლინიკაში რჩებიან.
თუმცა, „ნიუ ჰოსპიტალსის“ კლინიკური დირექტორის გიორგი კორძახიას განცხადებით, მედიასაშუალებების დაშავებული თანამშრომლების მდგომარეობა სტაბილურია და ისინი შესაძლოა, ხვალ გაწერონ.
„კლინიკაში ამ ეტაპზე 3 პაციენტი რჩება, მათი მდგომარეობა დამაკმაყოფილებელია. ორს ოპერაციული ჩარევა სახის ძვლებზე ჩაუტარდა. დღეისათვის მათი გაწერა არ იგეგმება, ამას უფრო ხვალისათვის განვიხილავთ. სამივეს შემთხვევაში, შესაძლოა, გაწერა დაიგეგმოს. ორს სახის ძვლების მოტეხილობა აღენიშნებოდა, ასევე თვალ-ბუდის დაზიანება და თავის ტვინის შერყევა იყო”, - განაცხადა გიორგი კორძახიამ.
ახალგაზრდა ფიზიკოსთა 34-ე საერთაშორისო ტურნირი გაიხსნა
"დანის პირზე დავდივართ... თუ ინფიცირების შემთხვევათა რიცხვი გაიზრდება, შეზღუდვების გამკაცრება განიხილება" - ამირან გამყრელიძე
