"პრემიერის უშუალო კომუნიკაციით, წლის ბოლომდე ქვეყანა ვაქცინის 4 მილიონამდე დოზას მიიღებს" - რას წერს ნინო გიორგობიანი მასობრივი ვაქცინაციის დაწყებაზე
მთავრობის ადმინისტრაციის სტრატეგიული კომუნიკაციების დეპარტამენტის უფროსის ნინო გიორგობიანის ინფორმაციით, წლის ბოლომდე საქართველო ვაქცინის 4 მილიონამდე დოზას მიიღებს.
ამის შესახებ გიორგობიანი სოციალურ ქსელში წერს.
მისი ინფორმაციით, პრემიერ ღარიბაშვილს ვაქცინის მოწოდებასთაბ დაკავშირებით უშუალო კომუნიკაცია ჰქონდა "ფაიზერის" პრეზიდენტთან, ასევე ჩინეთის პრემიერ-მინისტრთან.
"ვაქცინის მწარმოებლებთან მოლაპარაკებებში ირაკლი ღარიბაშვილის უშუალო ჩართულობის შედეგად ვაქცინის მილიონი დოზა საქართველოშია! ორშაბათიდან მასობრივი ვაქცინაცია იწყება!
პრემიერ-მინისტრის "ფაიზერის" პრეზიდენტთან უშუალო კომუნიკაციის შედეგად, ივლისიდან მილიონი დოზის მოწოდება დაიწყება. აშშ-ის პრეზიდენტის გადაწყვეტილებით, საქართველოს "ფაიზერის" ვაქცინის რამდენიმე ასეული ათასი დოზა საჩუქრად გადაეცემა.
ირაკლი ღარიბაშვილს აქტიური კომუნიკაცია ჰქონდა ჩინეთის პრემიერ-მინისტრთან. უახლოეს რამდენიმე კვირაში შემოვა ნახევარი მილიონი დოზა „სინოფარმი“ და ნახევარი მილიონი დოზა „სინოვაკი“. ჯამში, 2 მილიონი დოზა გვაქვს შეკვეთილი.
წლის ბოლომდე ქვეყანა ვაქცინის 4 მილიონამდე დოზას მიიღებს" - წერს ნინო გიორგობიანი.
"ვაჟკაცობის და ღირსების სახელით სუსტებს ჩაგრავენ, ქრისტეს სახელით ხალხს სცემენ და ურტყამენ" - ეკო ფანგანი "ღირსების მარშის" მონაწილეებზე
"აი, ისიც, 40 დღის კატო" - რუსკა მაყაშვილი ქალიშვილის ფოტოებს აქვეყნებს
