ვინ იყო ბიჭი, რომელმაც მტკვარში ჩავარდნილი მოზარდი გოგონა გადაარჩინა, თავად კი გარდაიცვალა - "ის რიონის ხეობის ერთ-ერთი მცველი იყო"
თბილისში, ორთაჭალაში, მტკვარში ახალგაზრდა კაცი დაიხრჩო. არსებული ინფორმაციით, მოზარდ გოგონას ფეხი დაუცდა და წყალში გადავარდა. ახალგაზრდა კაცმა მისი გადარჩენა სცადა - გადაარჩინა, თუმცა თავად ნაპირზე გამოსვლა ვეღარ შეძლო.
მომხდართან დაკავშირებით გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკველლობამდე მიყვანას გულისხმობს.
გარდაცვლილი შოთა ქარსელაძე იყო. როგორც სოციალური ქსელის ერთ-ერთი მომხმარებელი წერს, ის რიონის ხეობის ერთ-ერთი მცველი იყო.
"შოთა ქარსელაძე, რომელმაც დღეს მტკვარში მოზარდი გადაარჩინა და თავად დაიღუპა ჩვენი თანამებრძოლი იყო რიონის ხეობაში...ამ რამდენიმე კვირის წინ, როცა გუმათჰესიდან ექსკურსიაზე მყოფი ბავშვი რიონში გადავარდა სწორედ მან გადაარჩინა...
დღეს კი მტკვარმა წაგვართვა მისი სიცოცხლე....მშვიდად განისვენე ძმაო გოშე... გმირები არ კვდებიან იმედი მაქვს სახელმწიფო სათანადო პატივს მიაგებს სამოქალაქო გმირ შოთა ქარსელაძეს (გოშეს)" - სოციალურ ქსელში ლაშა მესხი.
"გასარკვევია, ვინ იყვნენ ის ადამიანები, ვინც ძალადობდნენ - საპატრიარქოს შესაბამისი კომისია ალბათ იმსჯელებს" - მეუფე გრიგოლი
"ისტორიული დღის მომსწრე ვართ, ინდოეთის მთავრობამ უპრეცენდენტო გადაწყვეტილება მიიღო" - მეუფე შიო
