"რუსეთი საქართველოს და უკრაინას მას შემდეგ დაესხა თავს, რაც გერმანიამ და საფრანგეთმა 2008 წლის ბუქარესტის სამიტზე ჩვენთვის "მაპის" მონიჭება დაბლოკეს" - ალექსეი დანილოვი

რუსეთი საქართველოს და უკრაინას თავს მას შემდეგ დაესხა, რაც გერმანიამ და საფრანგეთმა 2008 წლის ბუქარესტის სამიტზე უკრაინისა და საქართველოსთვის ნატო-ს გაწევრიანების სამოქმედო გეგმის მინიჭება დაბლოკეს, - ამის შესახებ უკრაინის ეროვნული უსაფრთხოების და თავდაცვის საბჭოს მდივანმა ალექსეი დანილოვმა „ფორბსთან“ ინტერვიუში განაცხადა, რითაც მან უპასუხა შეკითხვას რას გულისხმობდა, როდესაც რამდენიმე კვირის წინ აღნიშნა, რომ რუსეთის მიერ საქართველოსა და უკრაინის წინააღმდეგ განხორციელებულ თავდასხმაში დამნაშავეები საფრანგეთი და გერმანია იყვნენ.

„მაგალითად, ფრანგები საქართველოსა და რუსეთს შორის 2008 წლის მოლაპარაკებებში მონაწილეობდნენ და შედეგად ქართველებმა დაკარგეს ტერიტორიის ნაწილი, ხოლო ფრანგებმა რუსეთისგან მიიღეს შეკვეთა „მისტრალებზე“. არ ვიცი მიიღეს თუ არა მათ რამე დონეცკის, ლუგანსკისა და ყირიმისთვის, მაგრამ მორალური პასუხისმგებლობა არსებობს. რუსეთი საქართველოს და უკრაინას თავს მას შემდეგ დაესხა, რაც გერმანიამ და საფრანგეთმა 2008 წლის ბუქარესტის სამიტზე ჩვენთვის ნატო-ს გაწევრიანების სამოქმედო გეგმის მონიჭება დაბლოკეს,“- აღნიშნა დანილოვმა.