რიკოთის მაგისტრალზე წვიმის შედეგად მიწის მასა ჩამოიშალა - საგზაო მოძრაობის აღდგენის მიზნით სამუშაოები მიმდინარეობს
საავტომობილო მიმოსვლის უახლოეს საათებში აღდგენის მიზნით, რიკოთის ჩქაროსნული მაგისტრალის ხევი-უბისას მონაკვეთზე, სამუშაოები ინტენსიურ რეჟიმში გრძელდება.
საავტომობილო გზების დეპარტამენტის ინფორმაციით, ამ დროისათვის მიწის ნაშალისაგან გზა გაწმენდილია და საავტომობილო მიმოსვლის მაქსიმალური უსაფრთხოების უზრუნველყოფის მიზნით, მიმდინარეობს ბეტონის ბლოკებისაგან გზის დამცავი კედლის მოწყობის სამუშაოები.
„რიკოთის ჩქაროსნული მაგისტრალის ხევი-უბისას მეოთხე გვირაბთან, ინტენსიური წვიმის შედეგად ჩამოშლილმა მიწის მასამ შეაფერხა საავტომობილო მიმოსვლა. საავტომობილო გზების დეპარტამენტის მიერ, საპატრულო პოლიციასთან კოორდინაციით, გატარდა მოძრაობის უსაფრთხოების აუცილებელი ღონისძიებები და გზაზე შეიზღუდა ავტო ტრანსპორტის მოძრაობა. დასავლეთის მიმართულებით ავტოტრანსპორტის მოძრაობა გადაერთო გომი-საჩხერე-ჭიათურა-ზესტაფონის საავტომობილო გზაზე. გზის გაწმენდის სამუშაოები დაუყოვნებლივ დაიწყო, რის შემდეგაც გაგრძელდა საგზაო უსაფრთხოების უზრუნველყოფის დამატებითი სამუშაოები“ , - ნათქვამია ინფორმაციაში.
"ტურისტის დაჭრის საღამოდან რომ დაიწყო ჯავშნების გაუქმება, ამ დრომდე გრძელდება" - პოლონეთის მოქალაქის დაჭრა უკვე აისახა ტურისტულ ბიზნესზე
საქართველოში მიწისძვრა მოხდა - სად იყო ეპიცენტრი
