"შენ ნასვამი ხომ არ ხარ? მე როგორ მოვკალი ლექსო ლაშქარავა? - თქვენმა ხელისუფლებამ 300 კაცი მოკლა და შენ დაგადო ხელი?!" - ვასილ ჩიგოგიძე ნიკა გვარამიას
"შენ ნასვამი ხომ არ ხარ? - მე ვინ მოვკალი, მე როგორ მოვკალი ლექსო ლაშქარავა? თქვენმა ხელისუფლებამ 300 კაცი მოკლა და შენ დაგადო ხელი?!", - ასე მიმართა უმრავლესობის დეპუტატმა ვასილ ჩიგოგიძემ "მთავარი არხის” დამფუძნებელ, ნიკა გვარამიას, რომელმაც ჩიგოგიძეს ჰკითხა "რატომ მოკალით ლექსო ლაშქარავა”.
მან ასევე უპასუხა ჟურნალისტების ნანუკა ჟორჟოლიანის და ვახო სანაიას შეკითხვებს, აწარმოებდა თუ არა მოლაპარაკებებს, რომელ მაჟორიტარულ სიაში ყოფილიყო.
ვასილ ჩიგოგიძის განმარტებით, ნიკა მელია მასთან სახლში იმყოფებოდა და საკუთარ სიაში ყოფნა შესთავაზა, რაზეც უარი უთხრა.
"მაჟორიტარობაზე მოლაპარაკებას არავისთან არ ვაწარმოებდი, ნიკა მელია იყო ჩემთან სახლში ორჯერ. შემომთავაზა სიაში ყოფნა და უარი ვუთხარი”, - განაცხადა ვასილ ჩიგოგიძემ.
აქციის წევრებსა და ჩიგოგიძეს შორის სიტყვიერი დაპირისპირება და შეურაცხყოფა ბესო ქათამაძეზე კითხვას მოჰყვა, "ბესო ქათამაძეს ხელი არ დაარტყით”? - ჰკითხეს აქტივისტებმა ჩიგოგიძეს. რაზეც ვასილ ჩიგოგიძემ უპასუხა, რომ "ქათამაძემ დაიმსახურა და ამიტომ დაარტყა”.
ვასილ ჩიგოგიძე შენობაში შეძახილებით "მონა, მონა” გააცილეს.
LIVE - ეთერშია გადაცემა "რეზიუმე"
"რუსეთი არ შეჩერებულა დესტაბილიზაციის მცდელობებში - კვლავ განაგრძობს ჩვენი ტერიტორიის 20%-ის უკანონო ოკუპაციას" - ირაკლი ღარიბაშვილი
