ავტორი:

"ოცნების" ოფისთან აქცია დასრულდა - ნიკა გვარამიამ შეკრებილებს მოუწოდა, რომ პროტესტი ხვალ, ლექსო ლაშქარავას დაკრძალვის შემდეგ გააგრძელონ

"ოცნების" ოფისთან აქცია დასრულდა - ნიკა გვარამიამ შეკრებილებს მოუწოდა, რომ პროტესტი ხვალ, ლექსო ლაშქარავას დაკრძალვის შემდეგ გააგრძელონ

"ქართული ოცნების" ოფისთან აქცია დასრულდა. შეკრებილებს "მთავარი არხის" დირექტორმა ნიკა გვარამიამ მიმართა და მოუწოდა, რომ დღეს აქცია დაასრულონ და ხვალ მას შემდეგ გააგრძელონ, რაც „ტვ პირველის“ ოპერატორს დაკრძალავენ.

გვარამიას განცხადებით, აქციაზე როგორც პარლამენტთან, ასევე „ქართული ოცნების“ ოფისთან გამოავლინეს პროვოკატორი, რომელიც მანქანებს ამტვრევდა.

გვარამიას თქმით, ამ ადამიანს გაქცევის დროს დაუვარდა კეპი, რომელიც, მისი თქმით, პოლიციას პირის იდენტიფიცირების შესაძლებლობას მისცემს.

ნიკა გვარამიამ აქციაზე მყოფ შინაგან საქმეთა სამინისტროს წარმომადგენელს კეპი, როგორც მტკიცებულება პოლიეთილენის პარკით გადასცა.

„პირველად პარლამენტიდან გავაგდეთ, იქაც იგივეს აკეთებდა. მანქანებს ამტვრევდა. დაკავება ვცადეთ, უბრალოდ ვერ დავეწიეთ, გვაქვს კადრი, ვიდეო. გვაქვს მტკიცებულება, სადაც მისი თითის ანაბეჭდები და დნმ-ია“, - განაცხადა გვარამიამ.

შეკრებილების ნაწილი ტერიტორიას ამ წუთებში ტოვებს. ადგილზე კვლავ რჩება პოლიციელთა გარკვეული შემადგენლობა.

პარლამენტის უკანა შესასვლელთან ხმაურია - როგორია ამ წუთებში ვითარება ადგილზე

"მამულაშვილი მაგიდაზე ფეხშიშველი აბრძანდა, მაგიდა არის სრიალა, მეშინოდა, არ წაქცეულიყო - ახალგაზრდა ზარქუამ  ფაქიზად, ოსტატურად ჩამოიყვანა და გადაგვარჩინა" - ფრიდონ ინჯია

"სამწუხაროდ, ბულვარში სეირნობის საშუალება მე არ მომცემია, რომ დავაკვირდე -  შრომის ინსპექტორი ამოწმებს" - თამარ გაბუნია