"ქართული ოცნების" ოფისთან დაკავებულებს შორის ჟურნალისტი და ოპოზიციური პარტიების წევრები არიან

"ლელოს" წევრი თაზო დათუნაშვილი "ქართული ოცნების" ოფისთან აქციის დროს დააკავეს. ინფორმაციას „ლელო“ ავრცელებს.

„ის გადაყვანილია პოლიციაში და მასთან ამ წუთებში შეუშვეს პარტიის იურისტი, ადვოკატი თორნიკე ართქმელაძე.

დაკავება ქართული ოცნების ოფისთან პოლიციისა და აქციის მონაწილეებს შორის მომხდარ დაპირისპირებას მოჰყვა”, - აღნიშნულია ინფორმაციაში, რომელსაც პრესსამსახური ავრცელებს.

დაკავებულებს შორისაა ასევე პირველი არხის გადაცემა „კვირის ინტერვიუს“ წამყვანი ირაკლი აბსანძე. ინფორმაციას საზოგადოებრივი მაუწყებელი ავრცელებს.

პარტიის „გირჩი - მეტი თავისუფლებას“ ინფორმაციით, ამავე აქციაზე პარტიის ორი წევრი დააკავეს. ამის შესახებ „გირჩი - მეტი თავისუფლება“ განცხადებას ავრცელებს.

„აქციაზე, „ქართული ოცნების“ ოფისთან, დააკავეს ჩვენი პოლიტიკოსები: მმართველი საბჭოს თავმჯდომარე თენგო კირთაძე და მმართველი საბჭოს წევრი წევრი ცოტნე ლომიძე.

არსებული ინფორმაციით, ისინი გადაყვანილები არიან სამგორის პოლიციის შენობაში.

შინაგან საქმეთა სამინისტროში არცერთ დაკავებულზე ინფორმაციას არ გვაწვდიან“, - აღნიშნულია განცხადებაში.

ცნობისთვის, შსს-ს ინფორმაციით, „ქართული ოცნების“ ოფისთან 12 პირია დაკავებული.