"დრონით გადაღებული ჩასვენება... გლოვაშიც პოლიტიკურ პერფორმანსს დგამენ, დღეს მათ თავად მოკლეს მედია" - რას წერს შალვა პაპუაშვილი?
"ქართული ოცნების" ერთ-ერთი ლიდერი შალვა პაპუაშვილი "ტვ პირველის" ოპერატორის ლექსო ლაშქარავას გამოსვენების კადრებზე წერს და ამბობს, რომ "გლოვაც კი პოლიტიკურ პერფორმანსაც აქციეს".
აღნიშნულ პოსტს პაპუაშვილი სოციალურ ქსელში ავრცელებს.
"გლოვაშიც კი პოლიტიკურ პერფორმანსს დგამენ. კადრებს არჩევენ. დრონით გადაღებული ჩასვენება...
მკვლელობაზე საუბრობენ. სინამდვილეში კი, დღეს, მათ თავად მოკლეს მედია" - წერს პაპუაშვილი.
ცნობისთვის, ტვ “პირველის" ოპერატორი ლექსო ლაშქარავა ჯიქიას სასაფლაოზე, მამის გვერდით დაკრძალეს. ოპერატორი უკანასკნელ გზაზე, სხვადასხვა მედიასაშუალების ოპერატორებმა, ჟურნალისტებმა, პოლიტიკოსებმა და ახლობლებმა ტაშით გააცილეს.
ლექსო ლაშქარავას ხსოვნის პატივსაცემად, მის საცხოვრებელ სახლთან „კამერების კორიდორი“ მოაწყვეს და ასევე, ტელეკომპანია „პირველის“ თანამშრომლებმა გარდაცვლილი ოპერატორის სახლთან ყველა ის სამუშაო ნივთიც მიიტანეს, რომელიც მას 5 ივლისის აქციის გაშუქებისას თან ჰქონდა და რომელიც ფიზიკური ძალადობის დროს დაუმსხვრიეს.
შარლ მიშელი საქართველოშის - მედიის წარმომადგენლები მას ლექსო ლაშქარავას ფოტოებით დახვდნენ
"სორბონის უნივერსიტეტის მეცნიერებათა დოქტორის და ვესტმინსტერის მაგისტრის წინაშე დგას ივანიშვილის ბაბუინების ბრბო" - სააკაშვილი
