როგორ გადაარჩინა იტალიელმა მძღოლმა 25 მოსწავლე - "მას მოზარდები საზაფხულო ბანაკში მიჰყავდა, რა დროსაც ავტობუსს ცეცხლი გაუჩნდა“
ავტობუსის იტალიელი მძღოლი ნამდვილ გმირად იქცა მას შემდეგ, რაც 25 მოსწავლე გადაარჩინა. მძღოლს ავტობუსით 14-დან 16 წლამდე მოზარდები საზაფხულო ბანაკში მიჰყავდა, როდესაც მილანის ჩრდილოეთ ნაწილში, ტრანსპორტს ცეცხლი გაუჩნდა.
მეხანძრეები ადგილზე სწრაფად მივიდნენ და ცეცხლი ჩააქრეს. საჭირო გახდა 7 ბავშვის ჰოსპიტალიზება, რადგანაც მათ ჯანმრთელობას დაკვამლიანებამ მიაყენა ზიანი.
მძღოლი არ დაიბნა და როდესაც მანქანას ცეცხლი გაუჩნდა, ბავშვები მაქსიმალურად სწრაფად გაიყვანა, სანამ მთლიან ავტობუსს ცეცხლი მოედებოდა.
ლომბარდიის რეგიონის პრეზიდენტმა, ატილიო ფონტანამ მძღოლი შეაქო გამოჩენილი სისწრაფისთვის და გადაწყვეტილებების სწრაფად მიღებისთვის.
მძღოლმა მოზარდებს პირველადი დახმარებაც აღმოუჩინა. ამ დროისთვის უცნობია, თუ რის გამო გაჩნდა ცეცხლი. ადგილობრივი სამართალდამცველები საკითხის შესასწავლად მუშაობენ.
"Pfizer"-ის ვაქცინა საქართველოშია - როდიდან შეძლებენ მოქალაქეები რეგისტრაციას და აცრას
საქართველოში კორონავირუსით ინფიცირების 1 663 ახალი შემთხვევაა - ბოლო დღე-ღამის მონაცემები რეგიონების მიხედვით
