"შეამჩნევდით, რომ პირველ რიგში ერთი სკამი ცარიელია..." - ვის სახსოვრად იყო ცარიელი სკამი კალაძის მერად წარდგენის ცერემონიაზე

თბილისის მერობის კანდიდატის წარდგენაზე, პირველ რიგში, ერთი სკამი ცარიელი იყო. ის კახი კავსაძის ხსოვნის გამო დაიდგა. კახა კალაძის თქმით, ლეგენდარული მსახიობი მის ღონისძიებებს ყოველთვის ესწრებოდა.

"შეამჩნევდით, რომ პირველ რიგში ერთი სკამი ცარიელია, გამორჩეული თბილისელის ყველასათვის საყვარელი კახი კავსაძის ხსოვნის პატივსაცემად, რომელიც ყოველთვის ესწრებოდა ჩემს ღონისძიებებს..." - განაცხადა კახა კალაძემ.

ამ ჟესტს "ფეისბუქის" პირად გვერდზე ჟურნალისტი ვახო სანაია გამოეხმაურა:

"ქართული ოცნება მედიას ეუბნება, მიცვალებულით სპეკულირებთო", - დაწერა სანაიამ.