ავტორი:

ოქროს საპირფარეშო, სამზარეულო და ქრთამის სახით აღებული მილიონობით რუბლი - რა დანაშაულებრივ სქემაში იყვნენ ჩართულნი რუსი პოლიციელები

ოქროს საპირფარეშო, სამზარეულო და ქრთამის სახით აღებული მილიონობით რუბლი - რა დანაშაულებრივ სქემაში იყვნენ ჩართულნი რუსი პოლიციელები

რუსმა გამომძიებლებმა მოოქროვილი საპირფარეშო, სამზარეულო და სხვა ძვირადღირებული ნივთები აღმოაჩინეს სასახლეში, რომელიც კორუმპირებულ პოლიციელებს ეკუთვნოდათ. როგორც BBC-ი წერს, საგამოძიებო კომიტეტის ვებგვერდზე გამოქვეყნდა ვიდეო, სადაც ნაჩვენებია მდიდრული, უზარმაზარი სასახლის ექსტრავაგანტული ინტერიერი.

სასახლე, რომელიც დანაშაულებრივ ჯგუფს ეკუთვნოდა

სამართალდამცველთა ცნობით, აღნიშნული სასახლე ერთ-ერთია იმ ადგილებიდან, სადაც ანტიკორუფციული ოპერაციის ფარგლებში ჩხრეკა ჩატარდა.

საქმეზე დაკავებულია სტავროპოლის საგზაო პოლიციის ხელმძღვანელი, ალექსეი საფონოვი და კიდევ ექვსი პირი.

მოოქროვილი საპირფარეშო

გამოძიების ინფორმაციით, საგზაო პოლიციის წარმომადგენლები წლების განმავლობაში, სავარაუდოდ, სხვადასხვა ბიზნესისთვის ყალბი ნებართვების გაცემის სანაცვლოდ, დიდი ოდენობით ქრთამს იღებდნენ. ამ ნებართვებით მძღოლებს შესაძლებლობა ეძლეოდათ არალიცენზირებული ტვირთი პოლიციის კონტროლის გარეშე გაეტარებინათ.

მოოქროვილი სამზარეულო

წარდგენილ ბრალთან დაკავშირებით თავად ბრალდებულთა პოზიცია ჯერჯერობით უცნობია. გამოძიების ცნობით, ანტიკორუფციული ოპერაციის ფარგლებში ჩხრეკა ჩატარდა 80-მდე ადგილას, მათ შორის, სტავროპოლის საგზაო პოლიციის ოფისებში, ამოღებულია ფული და ასევე ძვირფასი მანქანები.

მათივე ინფორმაციით, კორუფციული სქემა რამდენინიმე წლის განმავლობაში მოქმედებდა და საერთო ჯამში, პოლიციელებმა ქრთამის სახით 19 მილიონი რუსული რუბლი მიიღეს.

ბრალის დამტკიცების შემთხვევაში, ალექსეი საფონოვს 15 წლამდე თავისუფლების აღკვეთა ემუქრება. დაკავებულთა შორის არის ასევე მისი წინამორბედი ალექსანდრ არჟანუხინი. ზოგიერთი ცნობით, 35 პოლიციელია დაკავებული, თუმცა ოფიციალური პირები ამ ინფორმაციას უარყოფენ.

აგვისტოდან იტალიაში "მწვანე საშვის" გარეშე თავშეყრის ადგილებში მოქალაქეებს აღარ დაუშვებენ - რა რეგულაციებს აწესებს ქვეყნის მთავრობა

ინდონეზიაში, კორონავირუსით ინფიცირებული მამაკაცი თავს თავისივე ცოლად ასაღებდა და თვითმფრინავში ასვლას ცდილობდა - რა მოხდა ბორტზე

რატომ ამბობს ჩინეთი უარს კორონავირუსის წარმოშობის შესახებ გამოიძიების მეორე ეტაპზე - "ჩინეთის ქმედება უპასუხისმგებლო და სახიფათოა"