"შენდობას ვითხოვ. იქ რაზე დავაჭირე თითი, აღარც მახსოვს..." - უხამსი ფოტომონტაჟის გაზიარებისთვის მღვდელს მსახურება შეუჩერეს
შემოქმედის ეპარქიის მღვდელს, მამა იოსებს (ღლონტი) მიტროპოლიტმა იოსებმა რამდენიმე თვით მღვდელმსახურების უფლება შეუჩერა. ამის მიზეზი გახდა სოციალურ ქსელში მის მიერ გამოქვეყნებული უხამსი შინაარსის ფოტომონტაჟი. ფოტო ჟურნალისტებს, მათ შორის, "TV პირველის" საინფორმაციო სამსახურის ხელმძღვანელს, ნოდარ მელაძეს ეხებოდა.
შემოქმედელმა მიტროპოლიტმა იოსებმა "ფორმულასთან" საუბარში იოსებ ღლონტისთვის მღვდელმსახურების შეჩერება დაადასტურა.
"მამა იოსები დაისაჯა უცენზურო ფოტომონტაჟის გამოქვეყნების გამო. რამდენიმე თვით შეუჩერდა მღვდელმსახურება", - აღნიშნა მეუფე იოსებმა.
მღვდელმა ფოტომონტაჟი "ფეისბუქის" პირად გვერდზე რამდენიმე დღის წინ გააზიარა. უხამსი პოსტის შემდეგ მამა იოსებ ღლონტმა "TV პირველს" ბოდიში მოუხადა.
"გითხარით, რომ რაღაცნაირად გაუგებრობა მოხდა და შენდობას ვითხოვ. სულ არ ვიცი ვინაა. ახლა ვსწავლობ მაგას, რაზე დავაჭირო თითი და იქ რაზე დავაჭირე თითი, აღარც მახსოვს", - უთხრა "მთავარ არხს" მღვდელმა იოსებმა ფოტომონტაჟის გავრცელების შემდეგ.
"კადრებში ჩანს, როგორ მისდევს ჟურნალისტი 16 წლის ნიკოლოზს და 11 წლის ანდრიას" - ნინო გიორგობიანი პრემიერის მშობლების სახლთან გადაღებულ კადრებს აქვეყნებს
"ჩვენი ოჯახი, იმისთვის რომ ცხოვრების საშუალება ჰქონდეს, მიწას ცხვირით თხრის... ეს კი 60 ათასს გვთხოვს" - რას წერს ანი ნადარეიშვილი თავდაცვის მინისტრზე?
