"გამოჩნდა ხო, რომ თურმე ღამე დადიოდა ვირუსი..." - პაატა იმნაძე

"გამოჩნდა ხო, რომ თურმე ღამე დადიოდა ვირუსი" - ამის შესახებ დღევანდელ ბრიფინგზე დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ, პაატა იმნაძემ განაცხადა.

მისივე თქმით, ვაქცინაცია და არსებული რეგულაციების დაცვა, მისცემთ შესაძლებლობას, რომ დამატებით შეზღუდვები აღარ დააწესონ.

"შეზღუდვებმა აჩვენა თავისი ეფექტურობა, გახსოვთ, ალბათ... მე ისიც მახსოვს, აქ რომ მეკითხებოდნენ, ვირუსი რა, ღამე დადის? და გამოჩნდა ხო, რომ თურმე ღამე დადიოდა ვირუსი..იმიტომ, რომ სანამ შეზღუდვები იყო, ვირუსი ასე არ იყო ხო?! (გავრცელებული).

ამ შეზღუდვებს ჰქონდა აზრი მაშინ, როცა ჩვენ არ შეგვეძლო შეგვეთავაზებინა საზოგადოებისთვის თავის დაცვის ალტერნატიული გზები. ალტერნატიული გზა პირველ რიგში, არის ვაქცინა და მეორე რიგში - არსებული რეგულაციები", - აცხადებს იმნაძე.