ავტორი:

"საოცრად ზღაპრული ცხოვრება იწყება" - ლევან წულაძესა და მანანა კოზაკოვას შვილიშვილი შეეძინათ

"საოცრად ზღაპრული ცხოვრება იწყება" - ლევან წულაძესა და მანანა კოზაკოვას შვილიშვილი შეეძინათ

ცნობილ წყვილს რეჟისორ ლევან წულაძესა (ჭოლა) და მსახიობ მანანა კოზაკოვას შვილიშვილი შეეძინათ. მათი ქალიშვილი თინათინ წულაძე და მისი მეუღლე გიორგი კოტეტიშვილი ბიჭის მშობლები გახდნენ. სასიხარულო ამბავს სოციალურ ქსელში ოჯახის ახლობლები ავრცელებენ.

ახალშობილიც და დედაც თავს კარგად გრძნობენ.

"ეს საოცარი გოგო დედა გახდა, ვაშაააააააააა ურააააააააა მრავალჟამიერ! დიდი ბედნიერება გვაქვს ჩვენი ბიჭი მოევლინა ამ ქვეყანას, ყველაზე ბედნიერი, ჯანმრთელი, წარმატებული გიმყოფოთ ღმერთმა, მშვიდ და ლამაზ გარემოში ეცხოვროს გკოცნით ყველაზე ლამაზო თინათინო და კოტეტო, ბედნიერი მშობლები ყოფილიყავით საოცრად ზღაპრული ცხოვრება იწყება" - წერს სოციალურ ქსელში თინათინ კახაძე.

ცნობისთვის, წყვილი 2019-ში დაქორწინდა. თინათინ წულაძე "სუხიშვილების" მოცეკვავე და მარჯანიშვილის თეატრის ქორეოგრაფია, გიორგი კოტეტიშვილი ერთ-ერთი კომპანიის სპორტული მენეჯერი. ქორწილი კვარიათში გადაიხადეს და როგორც ამბობდნენ, ამას სიმბოლური დატვირთვაც ჰქონდა.

"აჭარაში ჩვენი ქორწილი სიმბოლური იყო, რადგან მე და გიორგიმ ძალიან დიდი ხნის წინ, პატარები რომ ვიყავით, სწორედ იქ გავიცანით ერთმანეთი - რამდენიმე წლის განმავლობაში მშობლებთან ერთად იქ ვისვენებდით და ერთად ვთამაშობდით.

რა თქმა უნდა, მაშინ ვერც წარმოვიდგენდით, წლების შემდეგ ამგვარად თუ განვითარდებოდა მოვლენები. ბავშვობის შემდეგ დიდხანს აღარ შევხვედრივართ, მაგრამ უმაღლეს სასწავლებელში ჩასაბარებლად რომ ვემზადებოდით, უნარებში ერთსა და იმავე მასწავლებელთან მოვხვდით. ერთმანეთს გავახსენეთ თავი და..." - ამბობდა თინათინ წულაძე 2 წლის წინ "გზისთვის" მიცემულ ინტერვიუში.