კახა ბენდუქიძე - ქართული სკოლა საბჭოთა სკოლიდან გამოსვლისა და არსად მისვლის ეტაპზეა

ქართული სკოლა საბჭოთა სკოლიდან გამოსვლისა და არსად მისვლის ეტაპზეა, - ამის შესახებ "თავისუფალი უნივერსიტეტის" დამფუძნებელმა, კახა ბენდუქიძემ ჟურნალისტებთან შეხვედრაზე განაცხადა.

ამასთან, ბენდუქიძე დადებითად აფასებს მოსწავლეებისთვის დაწყებითი კლასებიდან ინგლისური ენის შესწავლას.

"მთელ რიგ ქვეყნებში ბავშვებს სკოლებში დაწყებითი კლასებიდან ასწავლიან ინგლისურს, თუმცა არც ერთ ქვეყანაში ამას ენის დეგრადაცია არ მოჰყოლია. სწორად მიმაჩნია, რომ ეს ინგლისური ენა უნდა იყოს. ეს არის ენა, რომელზეც საუბრობს მთელი მსოფლიო. ჩვენ ვასწავლით ბავშვებს მშობლიურ ენას და საერთაშორისო ენას", - აღნიშნა ბენდუქიძემ.

"ინტერპრესნიუსი"