"სიმპტომები აღარ მაქვს, აღარც გადამდები ვარ... აცრის გამო გადავიტანე კოვიდი იოლად" - რას წერს უგულავა აქციაზე მისვლის გადაწყვეტილებაზე?
ფოთის მერობის ოპოზიციონერი კანდიდატი გიგი უგულავა აქცია მისვლასთან დაკავშირებით განმარტებას აკეთებს და ამბობს, რომ მას კორონავირუსის არანაირი სიმპტომი აღარ აქვს.
როგორც სოციალურ ქსელში უგულავა წერს, ტესტმა ვირუსზე უარყოფითი აჩვენა და აქციაზე მისვლის გადაწყვეტილება ექიმთან კონსულტაციის შემდეგ გადაწყვიტა.
"სიმპტომები აღარ მაქვს, აღარც გადამდები ვარ, სწრაფმა ტესტმაც უარყოფითი აჩვენა და ექიმთან კოსულტაციის შემდეგ გადავწყვიტე ვყოფილიყავი აქციაზე, ხალხთან ერთად.
ქოც ტროლ-ბოტ-პროპაგანდონების საყურადღებოდ: ასე აღტკინებული მაშინ რომ ყოფილიყავით როცა აცრის მოწოდების ბანერების ნაცვლად სისხლიან ბანერებს კიდებდა მთავრობა, აშკარად უკეთესი ეპიდ სურათი გვექნებოდა.
სასაკლაო მოაწყო ღარიბაშვილმა ქვეყანაში, რომ ანტივაქსერი ქოც ამომრჩეველი არ გაენაწყენებინა. სამარცხვინო ხართ და ამორალურები. მე კი მოგიწოდებთ, მეგობრებო, ავიცრათ. სწორედ აცრის გამო გადავიტანე კოვიდი იოლად და არც გარშემო არავის გადავდე, რადგან ყველა აცრილი იყო. აიცარით! აიცარით! აიცარით!" - წერს უგულავა.
ფოთის მერობის ოპოზიციონერ კანდიდატს, გიგი უგულავას კორონავირუსი დაუდასტურდა. როგორც უგულავა აღნიშნავდა, მისი ჯანმრთელობის მდგომარეობა დამაკმაყოფილებელია და გამოჯანმრთელებამდე საარჩევნო კამპანიაში მონაწილეობას ონლაინ რეჟიმში მიიღებდა.