ავტორი:

"სექსუალური სალომე საქართველოდან..." - რას წერს ირლანდიური The Sun-ი ქართველი მოცეკვავის შესახებ?

"სექსუალური სალომე საქართველოდან..." - რას წერს ირლანდიური The Sun-ი ქართველი მოცეკვავის შესახებ?

საზოგადოებისთვის უკვე ცნობილია, რომ ერთ-ერთი ყველაზე წარმატებული ქართველი მოცეკვავე, სალომე ჭაჭუა ირლანდიურ "ცეკვავენ ვარსკვლავებში" მიიღებს მონაწილეობას. მისი მეწყვილე ირლანდიელი მორაგბე, ჯორდან კონროი იქნება.

სალომეს შესახებ ირლანდიური The Sun სტატიას აქვეყნებს სათაურით - "სექსუალური სალომე: ვინ არის "ცეკვავენ ვარსკვლავების" მონაწილე სალომე ჭაჭუა და სად ცეკვავდა აქამდე".

"წელს სალომე ჭაჭუა "ცეკვავენ ვარსკვლავების" ხუთი ახალი პროფესიონალი მოცეკვავიდან ერთ-ერთია. სალომე საქართველოდანაა და ის პროფესიონალი მოცეკვავე და ქორეოგრაფია. თავის სამშობლოში ლათინურ ცეკვებში ჩემპიონია. ასევე არის ცეკვის სტუდია Prime Dance-ის დამფუძნებელი და დირექტორი", - წერს გამოცემა.

სტატიაში ასევე აღნიშნულია, რომ აქამდე ჭაჭუა "ცეკვავენ ვარსკვლავების" ქართულ ვერსიაში მონაწილეობდა.

"სალომე "ცეკვავენ ვარსკვლავების" ქართულ ვერსიაში მონაწილეობდა - ის პროექტის ხუთი სეზონის მონაწილეა. ასევე იყო სატელევიზიო ცეკვების შოუს, "შენ შეგიძლია ცეკვა“ ჟიურის წევრი", - წერს გამოცემა.

ირლანდიური The Sun ასევე სალომე ჭაჭუას სიტყვებსაც ციტირებს.

"აღტაცებული ვარ ირლანდიურ "ცეკვავენ ვარსკვლავებში" მონაწილეობით. ეს შესანიშნავი შესაძლებლობაა აუდიტორიას დაუვიწყარი შოუ ვაჩუქო ჩემს შესანიშნავ პარტნიორთან ერთად. რეპეტიციები შესანიშნავად მიდის. ბევრს ვშრომობთ და ამავე დროს ვმხიარულობთ", - ამბობს სალომე ჭაჭუა.

The Sun სტატიაში იმასაც აღნიშნავს, რომ მომხიბვლელ მოცეკვავეს "ინსტაგრამზე“ 35 000 მიმდევარი ჰყავს. ის რეგულარულად აქვეყნებს ვიდეოებსა და ფოტოებს.