ოლაფ შოლცმა რუსულ "პისიარ“ ტესტზე უარი განაცხადა - "პუტინთან შეხვედრაზე მას დისტანციის დაცვა მოუწევს"
კრემლის პრესსპიკერმა დიმიტრი პესკოვმა დაადასტურა, რომ მოსკოვში ჩასულმა გერმანიის კანცლერმა ოლაფ შოლცმა რუსული "პისიარ“ ტესტი არ ჩაიტარა, ამიტომ მას პრეზიდენტ ვლადიმერ პუტინთან, დღევანდელ შეხვედრაზე, დისტანციის დაცვა მოუწევს, - ინფორმაციას რუსული მედია ავრცელებს.
"ისინი ჩვეულებრივზე დიდ მანძილზე იქნებიან ერთმანეთისგან დაშორებული, მაგრამ ეს არანაირად არ იმოქმედებს შეხვედრის ხასიათზე, მის შინაარსზე ან ხანგრძლივობაზე“, - განაცხადა პესკოვმა, რითაც მან უპასუხა შეკითხვას, გაიმართება თუ არა დღევანდელი მოლაპარაკებები გრძელ მაგიდასთან.
შეგახსენებთ, 7 თებერვალს, მოსკოვში რუსეთისა და საფრანგეთის პრეზიდენტებს შორის დიალოგი დაახლოებით 4 მეტრის სიგრძის მაგიდასთან გაიმართა, რისი მიზეზიც ემანუელ მაკრონის მიერ რუსული "პისიარ“ ტესტი ჩატარებაზე უარის თქმა გახდა.