"ეს ქონება გათავისუფლებულია" - აქტივისტები ლონდონის ცენტრში, რუსი ოლიგარქის სასახლეში შეიჭრნენ და აივნიდან უკრაინის დროშა გადმოკიდეს (ფოტოები)
აქტივისტები ლონდონის ცენტრში, ბელგრავის მოედანზე მდებარე მილიარდერი რუსი ოლიგარქის, ოლეგ დერიპასკას სასახლეში შეიჭრნენ.
"ტვიტერზე“ გავრცელებულ ფოტოზე ჩანს რუსი ოლიგარქის სასახლის ფანჯრიდან გადმოფენილი უკრაინის დროშა და აივანზე ჩამოკიდებული ბანერი წარწერით - "ეს ქონება გათავისუფლებულია". ფოტოზე ჩანს რუსი ოლიგარქის სასახლესთან მობილიზებული პოლიციის მანქანა.
Sky News-ის ინფორმაციით, 54 წლის ოლეგ დერიპასკა, რომელიც მსოფლიოში მეორე უმსხვილესი ალუმინის კომპანიის Rusal-ის დამაარსებელია, დიდი ბრიტანეთის მთავრობის მიერ შედგენილ სანქცირებულთა სიაში 10 მარტს დაამატეს.
ბრიტანეთში დერიპასკას მრავალმილიონიანი ქონების ბედი გაურკვეველი მას შემდეგ გახდა, რაც გაერთიანებული სამეფოს მთავრობამ განაცხადა, რომ რუსი ოლიგარქის აქტივები გაიყინება.
