ავტორი:

"პუტინმა გამოიჩინა "მზრუნველობა“, რომ რუსი ჯარისკაცები "აზოვსტალის" ტერიტორიაზე არ დაიხოცონ. ეს ნიშნავს მხოლოდ ერთს - მათ ფიზიკურად არ შეუძლიათ "აზოვსტალის“ აღება" - არესტოვიჩი

"პუტინმა გამოიჩინა "მზრუნველობა“, რომ რუსი ჯარისკაცები "აზოვსტალის" ტერიტორიაზე არ დაიხოცონ. ეს ნიშნავს მხოლოდ ერთს - მათ ფიზიკურად არ შეუძლიათ "აზოვსტალის“ აღება" - არესტოვიჩი

პუტინმა გამოიჩინა "მზრუნველობა“ რუს ჯარისკაცებზე, რომ ისინი "აზოვსტალის" ტერიტორიაზე არ დაიხოცონ. ეს ნიშნავს მხოლოდ ერთს - მათ ფიზიკურად არ შეუძლიათ "აზოვსტალის“ აღება, მათ ეს ესმით, იქ დიდი დანაკარგი განიცადეს, - ასე განმარტა უკრაინის პრეზიდენტის ოფისის ხელმძღვანელის მრჩეველმა ალექსი არესტოვიჩმა რუსეთის პრეზიდენტის, ვალდიმერ პუტინის განცხადება იმასთან დაკავშირებით, რომ "აზოვსტალის”კატაკომბებში ჩასვლა საჭირო არ არის“.

არესტოვიჩის თქმით, წინააღმდეგ შემთხვევაში, რუსეთის ჯარს, რომელიც ისედაც დიდ დანაკარგებს განიცდის, მძიმე ბრძოლის წარმოება მოუხდებოდა.

როგორც არესტოვიჩმა განაცხადა, უკრაინელი სამხედროები ინარჩუნებენ მეტალურგიული ქარხნის ტერიტორიას.

ამასთან, მისი განმარტებით, "აზოვსტალის“ აღებაზე უარის თქმა იმითაც შეიძლება აიხსნას, რომ რუსეთმა თავისი ჯარების ნაწილი უფრო ჩრდილოეთით გადაისროლა, რათა გაზარდოს თავისი ძალები, რომლებიც ცდილობენ მთავარი პოლიტიკური ამოცანის გადაწყვეტას - გავიდნენ ლუგანსკისა და დონეცკის ადმინისტრაციულ საზღვრებზე.

"ისინი ამას ვერ შეძლებენ და გამარჯვების ეს წინასწარი გამოცხადება, ისე, რომ არ ელოდებიან არც აღდგომას, არც 9 მაისს, მხოლოდ იმას აჩვენებს, რომ რუსებმა გააცნობიერეს ომის ამ ეტაპზე მათი ბოლო აქტიური ოპერაციის უპერსპექტივობა“,- განაცხადა არესტოვიჩმა.

შეგახსენებთ, რუსეთის პრეზიდენტმა ვლადიმერ პუტინმა თავდაცვის მინისტრ სერგეი შოიგუსთან შეხვედრაზე განაცხადა, რომ "აზოვსტალის” კატაკომბებში ჩასვლა საჭირო არ არის და საჭიროა ინდუსტრიული ზონის ბლოკირება ისე, რომ "ბუზმაც კი ვერ შეძლოს იქ შეფრენა“.

მისი თქმით, ყოველთვის და ამ შემთხვევაში, მით უმეტეს, აუცილებელია რუსი ჯარისკაცების და ოფიცრების სიცოცხლისა და ჯანმრთელობის შენარჩუნებაზე ფიქრი.

ასევე იხილეთ: