"გალკინი გეია, რომელიც ხანდაზმულ ქალზე სხვებისთვის თვალის ახვევისა და გამდიდრების მიზნით დაქორწინდა“ - მარგარიტა სიმონიანი
"გალკინი გეია, რომელიც ხანდაზმულ ქალზე სხვებისთვის თვალის ახვევისა და გამდიდრების მიზნით დაქორწინდა“, - ამის შესახებ კრემლის პროპაგანდისტმა, მარგარიტა სიმონიანმა ვლადიმერ სოლოვიოვის გადაცემაში რუსი მომღერლის, მაქსიმ გალკინის შესახებ განაცხადა.
"რას აკეთებს ახლა გალკინი? უკვე ვეუბნები ჩემს მეგობრებს, კარგი, აღარ გამომიგზავნოთ, ვერ გავიგე როგორ მოიხსენიებს რუსეთსა და რუსეთის ჯარს?!
არ ვიცი, შეიძლება თუ არა ეთერში ამაზე საუბარი, მაგრამ მე ვიტყვი, რადგანაც ადამიანი ასეთი რაღაცების უფლებას აძლევს თავს, მეც მივცემ თავს უფლებას ვთქვა ის, რასაც მასზე ყოველთვის ვფიქრობდი - ყველამ შესანიშნავად იცის, რომ ის გეია და სხვებისთვის თვალის ასახვევად და გასამდიდრებლად, კარიერის ასაწყობად ხანდაზმულ ქალზე დაქორწინდა და არწმუნებს თავის აუდიტორიას, რომ ნამდვილი სიყვარული აქვთ.
ალბათ, ახლა გესმით, როგორია მათი ფარისევლობისა და სიყალბის დონე", - თქვა სიმონიანმა.
ცნობისთვის, რუსეთის უკრაინაში შეჭრის შემდეგ, მაქსიმ გალკინმა და ალა პუგაჩოვამ რუსეთი დატოვეს და საცხოვრებლად ისრაელში გადავიდნენ. მას შემდეგ, გალკინი სოციალურ ქსელში აქვეყნებს ვიდეოებს, სადაც რუსეთის ხელისუფლების პოლიტიკას მწვავედ აკრიტიკებს.