"თუ ბირთვული ომი იქნება, რუსეთი ნატო-ს წევრ ქვეყნებს ნახევარ საათში გაანადგურებს“ - დიმიტრი როგოზინი
რუსული კოსმოსური სააგენტოს, "როსკოსმოსის“ ხელმძღვანელი, დიმიტრი როგოზინი ამბობს, რომ მის ქვეყანას შეუძლია ნატო-ს წევრი ქვეყნები სწრაფად გაანადგუროს, თუკი ბირთვული ომი იქნება.
აღნიშნულის შესახებ როგოზინმა "ტელეგრამის“ არხზე დაწერა.
ის აცხადებს, რომ რუსეთს ნატო-ს ქვეყნების გასანადგურებლად სულ ნახევარი საათი დასჭირდება.
"ბირთვულ ომში ნატო-ს წევრ ქვეყნებს ჩვენ ნახევარ საათში გავანადგურებთ, მაგრამ ჩვენ არ უნდა დავუშვათ ეს, რადგამ ბირთვული დარტყმები გავლენას მოახდენს ჩვენს დედამიწაზე“, - წერს "როსკოსმოსის“ ხელმძღვანელი.
ის ასევე მიიჩნევს, რომ ნატო რუსეთის წინააღმდეგ ომს აწარმოებს.
"ნატო აწარმოებს ჩვენს წინააღმდეგ ომს. მას ომი არ გამოუცხადებია ოფიციალურად, თუმცა ეს არაფერს ცვლის, ეს ყველასთვის აშკარაა“, - აღნიშნავს როგოზინი.