ილია ელოშვილის საცხოვრებელ სახლთან კახა კალაძე მივიდა
ილია ელოშვილის საცხოვრებელ სახლთან თბილისის მერი კახა კალაძე მივიდა.
ელოშვილის ცხედარი სამხარაულის ექსპერტიზის ეროვნული ბიუროდან საკუთარ საცხოვრებელ სახლში ცოტა ხნის წინ გადაასვენეს.
მის საცხოვრებელ სახლთან თბილისის მერის მოადგილეები, თანამშრომლები, მეგობრები და ნათესავები არიან შეკრებილები.
ცნობისთვის, თბილისის მერის მოადგილე ილია ელოშვილი საკუთარ სახლში გარდაცვლილი იპოვეს. შსს-მ გამოძიება თვითმკვლელობამდე მიყვანის მუხლით დაიწყო. ელოშვილი 47 წლის იყო, მას მეუღლე და ორი შვილი დარჩა.
ელოშვილი თბილისის მერის მოადგილის თანამდებობას 2017 წლიდან იკავებდა, იქამდე ენერგეტიკის მინისტრი, მანამდე კი ენერგეტიკის მინისტრის მოადგილე იყო.