Bayraktar-ის დრონებმა 3 დღეში 26.5 მილიონი დოლარის ღირებულების რუსული სამხედრო ტექნიკა გაანადგურეს - უკრაინის შეიარაღებული ძალების მთავარსარდალი

სამი დღის განმავლობაში, თურქულმა Bayraktar-ის დრონებმა 26.5 მილიონი აშშ დოლარის ღირებულების რუსული ტექნიკა, მათ შორის 8 ტანკი გაანადგურეს, - ამის შესახებ უკრაინის შეიარაღებული ძალების მთავარსარდალი, ვალერი ზალუჟნი "ტელეგრამზე“ იუწყება.

"სამი დღის განმავლობაში, 31 აგვისტოდან 2 სექტემბრამდე, Bayraktar ТВ-2 -ის უპილოტო საფრენმა აპარატებმა გაანადგურეს მტრის აღჭურვილობა, რომლის ღირებულება დაახლოებით 26.5 მილიონი დოლარია. ეს არის 8 ერთეული T-72 ტანკი (თითოეულის სავარაუდო ღირებულება 3 მილიონი აშშ დოლარია), ერთი ერთეული თვითმავალი ჰაუბიცა Akatsiya (1.6 მილიონი), ქვეითთა საბრძოლო მანქანები (0.6 მილიონი) და ჰაუბიცები (0.3 მილიონი)“- განაცხადა ზალუჟნიმ.

მისი თქმით, ასევე დაზიანდა ხუთი T-72 ტანკი და ერთი ქვეითთა საბრძოლო მანქანა.

"მთლიანობაში განადგურებული და დაზიანებული რუსული ტექნიკის ჯამური ღირებულება 28.35 მილიონი აშშ დოლარია“, - აღნიშნა ვალერი ზალუჟნიმ.

იხილეთ ასევე:

• "ჩვენთვის ფული არ არის პრიორიტეტი... არაფერი დაჩრდილავს ჩვენს თანამშრომლობას უკრაინასთან" - ძმები ბაირაქტარები: სამხედრო დრონების წარმოება და მოყვრობა ერდოღანთან