ავტორი:

"კერძო სკოლაში დამყავს ბავშვები. არის ამაში გარკვეული უხერხულობა" - რატომ არჩია კერძო სკოლა და რამდენი გადაიხადა გასულ წელს შვილების სწავლის საფასურად ირაკლი კობახიძემ?

"კერძო სკოლაში დამყავს ბავშვები. არის ამაში გარკვეული უხერხულობა" - რატომ არჩია კერძო სკოლა და რამდენი გადაიხადა გასულ წელს შვილების სწავლის საფასურად ირაკლი კობახიძემ?

"ქართული ოცნების" თავმჯდომარემ ირაკლი კობახიძემ განაცხადა, რომ შვილები კერძო სკოლაში დაჰყავს იმ კითხვების საპასუხოდ, რატომ ირჩევენ თანამდებობის პირები ძირითადად კერძო სკოლებს საკუთარი შვილებისთვის და რა კეთდება ქვეყანაში განათლების სისტემაში, რომ ზოგადი განათლება საჯარო სკოლებში გაუმჯობესდეს?

"მე პირადად კერძო სკოლაში დამყავს ბავშვები. კონკრეტული კერძო სკოლა იყო, რომელშიც მომეწონა სწავლის ხარისხი და ამიტომ გადავწყვიტე შვილების მიყვანა. არის ამაში გარკვეული უხერხულობა, ასეთია რეალობა და მოცემულობა, თუმცა არის უამრავი დეპუტატი, რომელსაც საჯარო სკოლაში დაჰყავს - უნდა მოვახერხოთ მეტი საბიუჯეტო რესურსის ჩადება განათლებაში", - განაცხადა კობახიძემ.

მისი თქმით, საქართველოში საშუალო განათლების ხარისხი ჩამორჩება ევროპულ ქვეყნებს, რადგან ეს დამოკიდებულია ეკონომიკაზე.

ჩვენს საზოგადოებაში ამ თემაზე დისკუსია მას მერე დაიწყო, რაც გაირკვა, რომ პრემიერ-მინისტრ ირაკლი ღარიბაშვილს შვილები კერძო სკოლაში დაჰყავს.

ირაკლი კობახიძეს ორი ვაჟი - 11 წლის გიორგი და 8 წლის ნიკო ჰყავს.

ქონებრივი დეკლარაციის თანახმად, დეპუტატმა გასულ წელს ვაჟების სწავლის საფასურად სულ 18 455 ლარი გადაიხადა.

იხილეთ ასევე: