თავდამსხმელმა თანხასთან დაკავშირებით მოთხოვნა შეცვალა - ის მილიონნახევარს ითხოვს: რა კადრები ვრცელდება ბანკის ფილიალიდან?
ქუთაისში, 'საქართველოს ბანკის" შენობაში, სადაც თავდამსხმელს მძევლები ჰყავს აყვანილი, ვითარება, ამ დრომდე დაძაბულია. ცოტა ხნის წინ მძევლის სოციალურ ქსელიდან მორიგი ვიდეო გავრცელდა, სადაც ისმის, რომ თავდამსხმელმა თანხასთან დაკავშირებით მოთხოვნა შეცვალა. ის 2 მილიონის ნაცვლად, მილიონნახევარ დოლარს ითხოვს. მძევალთან ხაზზეა სამართალდამცველი, რომელიც თავდამსხმელისგან გარკვეულ დროს ითხოვს, რათა თანხა მიუტანონ.
- ცნობისთვის, ქუთაისში, სადაც "საქართველოს ბანკის" შენობაში მძარცველს მძევლები ჰყავს აყვანილი, შინაგან საქმეთა მინისტრი, ვახტანგ გომელაური ჩავიდა.
შსს-ს ბოლო ინფორმაციით, "საქართველოს ბანკის" ერთ-ერთ ფილიალში მძევლად 12 პირი იმყოფებოდა. შსს-ს განცხადებით, გამოძიება დაწყებულია "საქართველოს ბანკის" ერთ-ერთ ფილიალზე თავდასხმის, ტერორისტული აქტის, ტერორისტული მიზნით მძევლად ხელში ჩაგდების და საბრძოლო მასალის მართლსაწინააღმდეგო შეძენა-შენახვა-ტარების ფაქტზე.
შეიარაღებული პირი ბანკში დაახლოებით, 5 საათის წინ შეიჭრა. თავდამსხმელი რუსულ დროშას, ანკესს, ვერტმფრენს და 2 მილიონ დოლარს მოითხოვდა.
ნახეთ ასევე:
- "ქალბატონო, დაწყნარდით, ბევრს ნერვიულობთ და დაწყნარდით-მეთქი" - ატირებული მძევლის დამშვიდებას პოლიცია ცდილობს: რა ხდება ბანკში, სადაც მძარცველია შეჭრილი?
- "ხელი მეღლება, რატომ მაკვლევინებთ ხალხს, რომ გამექცეს ჩემი ბრალი არ იქნება" - თავდამსხმელი ამბობს, რომ ყუმბარას "კალიცო" მოხსნა: რა ვითარებაა ადგილზე?
ნახეთ ვიდეო: